Гулистон шаҳар адлия бўлими фаолиятига бағишланган матбуот анжумани бўлиб ўтди. Унда оммавий ахборот воситалари вакиллари, журналистлар ҳамда блогерлар иштирок этиб, адлия органлари фаолиятида очиқлик, шаффофлик ва самарадорликни оширишга қаратилган ислоҳотлар ҳамда уларнинг амалий натижалари ҳақида атрофлича маълумот олдилар.

Тадбирда таъкидланганидек, 2025 йил давомида Гулистон шаҳар адлия бўлимига жисмоний ва юридик шахслардан жами 552 та мурожаат келиб тушган. Уларнинг 547 таси ижобий ҳал этилган бўлиб, 18 та мурожаат юзасидан ҳуқуқий тушунтиришлар берилган, 2 таси эса тааллуқлилигига кўра бошқа ташкилотларга юборилган. Бу кўрсаткичлар мурожаатлар билан ишлашда тизимли ва масъулиятли ёндашув йўлга қўйилганини кўрсатади.

Идораларда ўтказилган ўрганиш ва мониторинг ишлари натижасида қатор қонунбузилиш ҳолатлари аниқланиб, судларга даъво аризалари киритилган. Натижада фуқаролар фойдасига 12 миллиард сўмдан ортиқ маблағ ундириб берилгани қайд этилди. Бу эса адлия органларининг фуқаролар ҳуқуқ ва манфаатларини ҳимоя қилишдаги муҳим ўрнини яна бир бор тасдиқлайди.

Матбуот анжуманида Гулистон шаҳар адлия бўлими бошлиғи С.Тоғайев давлат хизматлари соҳаси, юридик хизмат кўрсатиш маркази ҳамда ФҲДЁ йўналишларида амалга оширилган ишларга алоҳида тўхталиб ўтди. Қайд этилишича, 2025 йил давомида 522 мингдан ортиқ давлат хизматлари кўрсатилган бўлиб, сайёр хизматлар ҳамда электрон ФҲДЁ тизимлари аҳоли учун қўшимча қулайликлар яратмоқда.

Шунингдек, тадбир давомида маҳаллаларда ташкил этилаётган “Адлия куни”, “Ҳуқуқий маҳалла” лойиҳалари, шунингдек, турли ҳуқуқий акциялар орқали аҳолининг ҳуқуқий онги ва маданиятини оширишга қаратилган ишлар ҳақида ҳам кенг маълумотлар берилди. Матбуот анжуманида соҳада амалга оширилаётган ислоҳотлар ва қонунчиликдаги янгиликлар жамоатчиликка кенг тарғиб қилинди.

Анжуман якунида журналист ва блогерлар томонидан берилган саволларга мутасаддилар томонидан батафсил ва асосли жавоблар берилди. Ушбу очиқ мулоқот жамоатчилик билан ҳамкорликни янада мустаҳкамлашга хизмат қилди.

✍️ ҚИСҚА ИЖОБИЙ ФИКР (ОТЗЫВ)

Гулистон шаҳар адлия бўлими томонидан ташкил этилган матбуот анжумани юқори савияда, очиқлик ва шаффофлик тамойиллари асосида ўтказилди. Тадбирда 2025 йилда амалга оширилган ишлар юзасидан аниқ рақамлар ва натижалар тақдим этилди. Журналистлар ва блогерлар билан очиқ мулоқот ўрнатилиб, барча саволларга атрофлича жавоблар берилгани анжуманнинг самарадорлигини янада оширди. Бу каби тадбирлар адлия органларига бўлган жамоатчилик ишончини мустаҳкамлашда муҳим аҳамият касб этади.

ОАВ МУХБИРИ

ГАНИЕВ АМИРБЕК

Mamlakatimizda yoshlarning zamonaviy bilim va kasb-hunar egallashi, intellektual rivojlanishi, iqtidor va salohiyatini namoyon etishi uchun bugun barcha imkoniyatlar mavjud. Shuningdek, yoshlarning huquq va manfaatlarini himoya qilish masalalari davlatimiz e’tiborida.

Boyovut tumani adliya boʻlimi Yuridik xizmat koʻrsatish markazi, Respublika Maʼnaviyat va maʼrifat markazi Boyovut tumani boʻlnmasi hamda tuman Xalq demokratik partiyasi bilan hamkorlikda 13-sonli umumtaʼlim maktabida tashkil etilgan targ‘ibot tadbirida Yangi tahrirdagi Konstitutsiya mazmun-mohiyati, unda yoshlarning jismoniy, aqliy va madaniy rivojlanishi uchun sharoitlar yaratishni ko‘zlab kiritilgan yangi normalar haqida to‘xtalib o‘tildi.

Muloqot ochiq va samimiy ruhda o‘tib, fikr-mulohazalar almashildi.

Aksiya doirasida Oqoltin tumani "Andijon" mahallasida yashovchi Xudaykulov Ilhom va Xasanova Nargizalarning nikohlari qonuniy qayd etildi va ularning farzandlari Og'abek va Asadbek Saidmuradovlarga Sharof Rashidov tuman FHDY bo'limi orqali eksterritorial tamoili asosida xizmat ko'rsatilib, tug'ilganlik haqida guvohnomalar rasmiylashtirib berildi.

Farmonga ko'ra, jamiyat va davlat hayotining muhim masalalarini hal etishda mahalliy vakillik organlarining rolini oshirish maqsadida 33 ta funksiya va vakolatlar xalq deputatlari mahalliy Kengashlariga o'tkazildi.

Shuningdek, Xalq deputatlari mahalliy Kengashlarining davlat organlarining hisobot (axborot)larini eshitishga doir ayrim vakolat va funksiyalari 10 taga birlashtirilgan holda tizimlashtirildi.

Boyovut tuman adliya bo‘limi tomonidan tashkil etilgan seminarda mazkur farmon mazmun-mohiyatini tushuntirildi.

Shuningdek, tadbirda O‘zbekiston Respublikasi Oliy Majlisi Senati Kengashining “Tashabbusli budjet jarayonlarini o‘tkazish hamda moliyalashtirish tartibi to‘g‘risida” 2024-yil 30-yanvardagi KQ-666-IV-son qarori mazmun-mohiyati yuzasidan tushunchalar berildi.

Seminarda mahalliy hokimlik vakillari, kengash a’zolari va deputatlar ishtirok etdi.

Muzeylar - tarix ko‘zgusi. U ajdodlardan meros bo‘lgan boylikni yosh avlodga yetkazib beruvchi ilmiy va ma’naviy xazina. Bugun tarixdan so‘zlovchi muzeylar juda ko‘p va unga intilayotgan, tarixni o‘rganishga oshiqayotgan yoshlar ham talaygina.

Yangiyer shahar “Navro`zobod” mahallasida ham uy muzeyi tashkil etilgan bo‘lib, ushbu muzeyda turli davrlarga mansub tarixiy eksponatlar, kulolchilik, misgarlik buyumlari, uy-ro‘zg‘or ishlarida foydalanilgan dastgoh va jihozlar, eng muhimi tarixiy asarlarni ham ko‘rish mumkin.

Yangiyer shahar adliya bo‘limi tomonidan yoshlar bilan ishlash masalasiga alohida etibor qaratilgan holda, biriktirilgan yoshlarni uy-muzeyga sayohati tashkil qilindi.

Sayohat davomida yoshlar uy-muzey bilan yaqindan tanishib, tarix bilan oshno bo‘ldilar.

Hayitboy Sayitov,
Yangiyer shahar adliya bo'limi boshlig'i

Shuningdek, mahalla fuqarolariga yanada qulayllik yaratish maqsadida sayyor davlat xizmatlari tashkil qilindi.

Tadbir davomida 20 nafar fuqaroga elektron raqamli imzo kaliti berish, bolani davlat maktabgacha taʻlim tashkilotiga joylashtirish uchun ariza berish va navbatni tekshirish, sudlanmaganlik (yoki sudlanganlik) toʻgʻrisida maʻlumotnoma berish boʻyicha davlat xizmatlari koʻrsatildi. Shuningdek, 18 ta yuridik shaxs tashkil etmagan dehqon xoʻjaligi davlat roʻyxatidan oʻtkazildi.

“O‘zimiz keldik”. Aholiga qulaylik yaratish, tezkor va sifatli xizmat ko‘rsatish maqsadini ko‘zlagan ushbu loyihadan bugun xalqimiz mamnun. Boisi soha xodimlari mahallalarda, xonadonlarda, bozorlaru, aholi gavjum joylarda bo‘lib fuqarolarga xizmat ko‘rsatmoqda.

Oqoltin tuman davlat xizmatlari markazi tomonidan navbatdagi tadbir “Ahillik” mahallasida tashkil etildi.

Tadbir davomida sayyor tartibda aholiga 52 ta davlat xizmatlari ko‘rsatildi. Bolalarni davlat maktabgacha ta’lim muasasasiga navbatga qo‘yish, elektron raqamli imzo kaliti olish, kadastr pasportini shakllantirish, sovuq suv hisoblagichini o‘rnatish, yechish, tamg‘alash uchun arizalar shular jumlasidandir.

Shuningdek, jarayonda davlat xizmatlaridan foydalanish bo‘yicha fuqarolarga zarur huquqiy tushuntirishlar berildi.

Bundan tashqari, firibgarlik, odam savdosi, korrupsiya kabi jinoyatlarning huquqiy oqibatlari haqida targ‘ibot materiallari tarqatildi.

Sayxunobod tuman adliya bo‘limi va yuridik xizmat ko'rsatish markazi tomonidan Guliston mahallasida joylashgan 26 va 39-umumta’lim maktablari o‘quvchilari ishtirokida o‘tkazilgan tadbirda dastlab yoshlarga mamlakatimizda intellektual salohiyatli, ma’naviy barkamol, jismonan sog‘lom avlodni tarbiyalash masalasiga davlat siyosati darajasida e’tibor qaratilayotganligi, yoshlarni qo‘llab-quvatlash borasida qator qonunlar, normativ huquqiy hujjatlar qabul qilinganligi xususida atroflicha ma’lumot berildi.

Tadbirda umumta’lim maktablarining chaqiruvga qadar boshlang‘ich tayyorgarlik fani o‘qituvchilari ham ishtirok etib, ta’lim muassasalarida o‘tkazilayotgan harbiy-vatanparvarlik ruhidagi tarbiyaviy ishlarning mazmun-mohiyati, harbiy xizmatchilarning kundalik hayoti va xizmat faoliyati, mavjud oliy harbiy ta’lim muassasalari hamda ularda tayyorlanayotgan mutaxassisliklar to‘g‘risida tushunchalar berishdi.

Ochiq muloqot usulida o‘tgan tadbirda sog‘lom fikrlaydigan va mafkuraviy immuniteti mustahkam bo‘lgan yoshlarga huquqiy madaniyatini yuksaltirish masalalari yuzasidan bir qator taklif va mulohazalar berilib, o‘quvchi-yoshlar o‘zlarini qiziqtirgan savollariga atroflicha javob olishdi.

Sirdaryo viloyat adliya boshqarmasi Axborot xizmati

To‘g‘ri-da, milliy qadriyatlarimiz ana shunday sa’y-harakatlarda o‘z ifodasini topadi. Biroq, bu yaxshi niyatlar, orzu-havaslar tantanasi qonuniy tasdiqlansa, u jamiyatning bir bo‘g‘ini sifatida davlat himoyasida bo‘ladi.

Biroq, ayrim sabablarga ko‘ra, shar’iy nikoh asosida yashab kelayotgan oilalar ham borki, adliya tizimida e’lon qilingan “Hech bir shaxs hujjatsiz qolmaydi” huquqiy aksiyasi ayni shunday muammodan aziyat chekayotgan fuqarolarning mushkulini oson qilmoqda.

Aksiya doirasida o‘tkazilgan xatlov jarayonlarida Sayxunobod tumani "Guliston" mahallasida 18 yildan buyon shar’iy nikohda yashab kelayotgan Eshonqulovlar oilasidan murojaat kelib tushdi.

Mazkur murojaat FHDY bo‘limi tomonidan o‘rganilib, hech qanday moneliklar bo‘lmagani bois oilaning muammosiga yechim topildi va ularning qonuniy nikohi qayd etildi.

- Huquqiy aksiya oilamizga chin ma’noda quvonch olib kirdi. Har bir hujjatni o‘z vaqtida rasmiylashtirish kerak ekanligini tushunib yetdim, - deydi K.Eshonqulov.

Sirdaryo viloyat adliya boshqarmasi Axborot xizmati