Сирдарё вилояти божхона бошқармаси томонидан “Очиқлик ва шаффофликни таъминлаш — коррупциянинг олдини олиш омили” мавзусида матбуот анжумани ташкил этилди. Унда оммавий ахборот воситалари вакиллари, блогерлар ҳамда жамоатчилик фаоллари иштирок этди.

Анжуман давомида божхона органларида коррупциянинг олдини олиш, хизмат фаолиятида очиқликни таъминлаш, жамоатчилик назоратини кучайтириш ҳамда мурожаатлар билан ишлаш самарадорлигини ошириш борасида амалга оширилаётган ишлар ҳақида атрофлича маълумот берилди.

Рақамлаштириш — шаффофлик гарови

Қайд этилганидек, сўнгги йилларда божхона тизимида рақамлаштириш жараёнлари жадаллаштирилиб, ташқи савдо юкларини расмийлаштириш тўлиқ электрон шаклга ўтказилди. Бу эса инсон омилини сезиларли даражада камайтириш, хизмат кўрсатиш тезкорлигини ошириш ва коррупция хавфларини қисқартиришга хизмат қилмоқда.

Шу билан бирга, рақамли хизматларни кенг жорий этиш орқали тадбиркорлар ва фуқаролар учун янада қулай ва шаффоф муҳит яратилмоқда.

Профилактика ва жамоатчилик билан мулоқот

Бошқарма томонидан шахсий таркиб ўртасида коррупцияга қарши профилактик ишларга алоҳида эътибор қаратилмоқда. Жумладан:

• 2 маротаба умумий профилактик суҳбатлар,
• 15 маротаба якка тартибда тушунтириш ишлари амалга оширилди.

Шунингдек, оммавий ахборот воситалари орқали 20 та чиқиш ташкил этилиб, аҳоли ва тадбиркорларга божхона соҳасидаги янгиликлар ва имкониятлар ҳақида зарур маълумотлар етказилди.

Бу каби ишлар жамоатчилик назоратини кучайтириш, фуқароларнинг ҳуқуқий онгини ошириш ҳамда тизимга бўлган ишончни мустаҳкамлашга хизмат қилмоқда.

Очиқ мулоқот ва савол-жавоблар

Матбуот анжуманида иштирокчилар томонидан берилган саволларга масъуллар томонидан атрофлича ва очиқ жавоблар қайтарилди. Шунингдек, келгусида очиқлик сиёсати ва жамоатчилик билан ҳамкорликни янада ривожлантириш масалалари муҳокама қилинди.

Анжуман якунида очиқлик ва шаффофликни таъминлаш, рақамли хизматларни янада кенгайтириш ҳамда инсон омилини камайтириш коррупцияга қарши курашишда энг муҳим омиллардан бири экани алоҳида таъкидланди.

Таҳририят фикри

Мазкур матбуот анжумани божхона тизимида амалга оширилаётган ислоҳотлар, айниқса рақамлаштириш ва очиқликни таъминлаш борасидаги ишлар изчил ва самарали йўлга қўйилганини кўрсатди.

Айниқса, хизматларнинг тўлиқ электрон шаклга ўтказилиши, профилактик ишлар ва жамоатчилик билан мулоқотнинг кучайтирилиши тизимда шаффофликни таъминлашга хизмат қилаётган муҳим омиллардан бири ҳисобланади.

Бундай ёндашувлар нафақат коррупция хавфини камайтиради, балки тадбиркорлар ва аҳоли учун қулай, ишончли ва замонавий хизматлар муҳитини яратишга замин бўлади.

ОАВ МУХБИРИ
ГАНИЕВ АМИРБЕК

Сирдарё вилояти божхона бошқармасида 2025 йил якунларига бағишланган матбуот анжумани бўлиб ўтди. Унда оммавий ахборот воситалари вакиллари, журналистлар ҳамда блогерлар иштирок этиб, божхона тизимида йил давомида амалга оширилган ишлар, эришилган натижалар ва келгусидаги устувор вазифалар билан яқиндан танишдилар.

Матбуот анжуманида бошқарма ўринбосари М.Набиев сўзга чиқиб, Ўзбекистон Республикаси Президентининг Олий Мажлисга ва халқимизга йўллаган Мурожаатномасида белгилаб берилган ислоҳотлар, шунингдек, 2026 йилга мўлжалланган устувор мақсад ва вазифалар божхона органлари фаолиятида муҳим дастуриламал бўлиб хизмат қилаётганини таъкидлади.

Давлатимиз раҳбари ташаббуси билан иқтисодий, ижтимоий ва маданий соҳаларда амалга оширилаётган кенг кўламли ислоҳотлар божхона тизимида ҳам ўз ифодасини топаётгани қайд этилди. Жумладан, замонавий инфратузилма яратилиши, рақамлаштириш жараёнларининг жадаллашуви ҳамда қулай меҳнат шароитлари яратилиши натижасида тизим фаолияти самарадорлиги сезиларли даражада ошгани таъкидланди.

Анжуман давомида 2025 йилда амалга оширилган ишлар юзасидан батафсил маълумот берилди. Хусусан, ўтган йил давомида давлат бюджетига 2 трлн сўмдан ортиқ маблағ ўтказилиб, тушумлар 699 млрд сўмга ёки 53 фоизга ошгани маълум қилинди.

Шунингдек, ташқи иқтисодий фаолият иштирокчиларини қўллаб-қувватлаш мақсадида 237 та тадбиркорлик субъектига жами 1,2 трлн сўм миқдорида божхона имтиёзлари тақдим этилган бўлиб, ушбу кўрсаткич ўтган йилга нисбатан 88 фоизга юқори экани таъкидланди.

Яширин иқтисодиётга қарши курашиш, аҳоли саломатлиги ва жамоат хавфсизлигини таъминлаш йўналишида 839 та қоидабузарлик ҳолати аниқланиб, умумий қиймати 30,1 млрд сўмдан ортиқ бўлган товарлар қонуний муомаладан олиб қўйилгани маълум қилинди.

Шу билан бирга, Ўзбекистон Республикаси Президентининг 2025 йил 17 декабрда қабул қилинган “Божхона маъмуриятчилиги ва ташқи савдо тартиботларини янада соддалаштириш ҳамда самарадорлигини ошириш чора-тадбирлари тўғрисида”ги ПФ–250-сон Фармонининг мазмун-моҳияти юзасидан атрофлича тушунтиришлар берилди.

Анжуманда коррупцияга қарши курашиш масаласига алоҳида эътибор қаратилди. Давлатимиз раҳбарининг коррупцияга нисбатан муросасиз сиёсати божхона органлари фаолиятида устувор тамойил сифатида қатъий қарор топгани таъкидланди.

Матбуот анжумани якунида журналист ва блогерлар томонидан берилган саволларга мутасаддилар томонидан атрофлича жавоблар берилди. Ушбу очиқ мулоқот шаффофликни таъминлаш, жамоатчилик билан алоқаларни янада мустаҳкамлашга хизмат қилди.

✍️ ҚИСҚА ИЖОБИЙ ФИКР (ОТЗЫВ)

Сирдарё вилояти божхона бошқармаси томонидан ўтказилган матбуот анжумани юқори савияда, очиқлик ва шаффофлик тамойилларига асосланган ҳолда ташкил этилди. Анжуман давомида 2025 йилда амалга оширилган ишлар бўйича аниқ рақамлар ва далиллар келтирилиб, келгусидаги режалар ҳақида ҳам батафсил маълумот берилди. Журналистлар ва блогерлар билан очиқ мулоқот ўрнатилиб, барча саволларга атрофлича жавоблар берилгани тадбирнинг самарадорлигини янада оширди. Бу эса божхона тизимида олиб борилаётган ислоҳотларга жамоатчилик ишончини мустаҳкамлашга хизмат қилди.

ОАВ МУХБИРИ
ГАНИЕВ АМИРБЕК

Пресс-тур: очиқлик ва шаффофлик амалда

Жорий йилнинг, 8 январь куни SirdaryoLive ОАВ ижодий жамоаси Сирдарё туманида жойлашган “Сирдарё” чегара божхона постида ташкил этилган пресс-турда иштирок этди. Ташриф давомида оммавий ахборот воситалари вакиллари божхона назорати тизимида жорий этилган замонавий технологиялар, шу жумладан рентген қурилмаларининг иш фаолияти билан яқиндан танишдилар.

Rapiscan M-60 ва “Z-Portal”: назоратнинг янги босқичи

Пресс-тур иштирокчиларига “Rapiscan Eagle M60” русумли инспекцион-кўрик мажмуаси ҳамда АҚШда ишлаб чиқарилган “Z-Portal” замонавий йирик инспексион кўрик мажмуасининг имкониятлари амалда намойиш этилди. Мазкур қурилмалар юк автотранспорт воситаларини очмасдан, товарларга шикаст етказмаган ҳолда божхона назоратидан ўтказиш имконини бермоқда.

Тўлиқ назорат: янги қурилма самараси

Маълум қилинишича, аввалги даврда пост орқали ҳаракатланаётган 400–450 та автотранспорт воситасидан ўртача 45–50 таси рентген текширувидан ўтказилган. 2025 йил ноябрь ойида “Z-Portal” қурилмасининг ўрнатилиши натижасида эса кириш йўналишида ҳаракатланаётган барча юк автотранспорт воситалари тўлиқ божхона назоратидан ўтказилмоқда.

“Z-Portal”нинг техник афзалликлари

“Z-Portal” инспексион қурилмаси кам қувватли рентген ускунаси бўлиб, ундан тараладигаан нур ортга қайтиш технологияси асосида ишлайди. Шу боисдан ҳам ҳайдовчилар ва йўловчилар учун зарарсиз.
Қурилма бир соатда 200–220 та автотранспорт воситасини текшириш, тасвирларни бир вақтнинг ўзида таҳлил қилиш ҳамда юкни тўрт томонлама кўриш имкониятига эга. Бу эса таҳлил жараёнларининг аниқлиги ва тезкорлигини таъминламоқда.

Рақамлар орқали самарадорлик

2025 йил давомида “Сирдарё” чегара божхона постида рентген қурилмалари ёрдамида жами 22 971 та юк автотранспорт воситаси божхона назоратидан ўтказилган. Натижада 26 та ҳолатда қиймати 6 млрд 509 млн сўм бўлган ноқонуний товар-моддий бойликлар аниқланиб, ашёвий далил сифатида олинган.

Жамоатчилик ишончи ва хавфсизлик

Пресс-тур жараёнида журналистлар божхона тизимида қўлланилаётган замонавий технологиялар нафақат назорат самарадорлигини ошираётгани, балки жамоатчилик ишончини мустаҳкамлаётганини ҳам таъкидладилар.

Хулоса

SirdaryoLive ОАВ фикрига кўра, “Сирдарё” чегара божхона постида жорий этилган замонавий рентген қурилмалари давлат чегараларида хавфсизликни таъминлаш, қонунийликни мустаҳкамлаш ва божхона назоратини янги босқичга олиб чиқишда муҳим аҳамият касб этмоқда.

ОАВ мухбири
Ганиев Амирбек

Махсус-тактик ўқув машғулотида божхона, чегара, вилоят ФВБ, ИИБ, МГ ва ССБ, СЭО ва ЖСБ хизматлари ҳамда махсус техникалар жалб қилинди.

Ўқув машқида божхона постида аниқланган санкцияланмаган ионлаштирувчи нурланиш манбалари ёхуд уларнинг контрабандаси билан боғлиқ фавқулодда вазиятларда ҳаракатларни мувофиқлаштириш ва ходимлар ҳамда фуқароларнинг хавфсизлигини таъминлашга алоҳида эътибор қаратилди.

Тадбир якунида назарий ва амалий машғулотлар бўйича фикр-мулоҳазалар билдирилиб, келгусидаги вазифалар белгилаб олинди.

Сирдарё вилояти божхона бошқармаси масъул ходимлари Сирдарё туманида жойлашган “Wellfedhouse” МЧЖда бўлиб, корхоналарни озиқ-овқат товарларини ишлаб чиқариш лойиҳалари билан яқиндан танишилди.

Корхона томонидан бугунги кунда 35 хил турдаги ярим тайёр озиқ-овқат маҳсулотларини ишлаб чиқариш йўлга қўйилган бўлиб, 30 нафар иш ўрни яратилган ҳамда келгусида янги лойиҳалар доирасида кондитер ва бошқа турдаги озиқ-овқат маҳсулотларини ишлаб чиқариш режалаштирилган.

Ўрганиш давомида божхона соҳасида яратилаётган қулайликлар ва амалдаги божхона имтиёзлари юзасидан тушунчалар берилиб, божхона йўналишидаги масалалар бўйича тадбирлар белгилаб олинди.

Сирдарё вилояти божхона бошқармаси масъул ходимлари томонидан “Божхона ҳудудида қайта ишлаш” режимини имкониятлари ва афзалликлари кенг тарғиб қилиб келинмоқда.

Навбатдаги учрашув, Сирдарё тумани Бахт шаҳрида жойлашган текстил маҳсулотлари ва тиббиёт буюмларини ишлаб чиқарувчи “Baxtteks-Farm” МЧЖда сайёр учрашув бўлиб ўтди.

Учрашувда “Божхона ҳудудида қайта ишлаш” режимидан фойдаланишнинг кенг имкониятлари ва афзалликлари бўйича тушунтириш ва зарур тавсиялар берилди.

Маълумот учун, корхона томонидан 2023 йилда оғирлиги 882 тонна, қиймати 2,8 млн АҚШ долларга тенг бўлган ип калава ва тиббиёт буюмлари 10 та давлатга экспорт қилинган.

Сирдарё вилояти божхона бошқармасига бириктирилган Гулистон шаҳридаги 9-сонли умумтаълим мактабда Алишер Навоий таваллудининг 583 йиллиги муносабати билан божхона ходимлари иштирокида маърифий тадбир ташкил этилди.

Тадбирда Маънавият ва маърифат маркази Гулистон шаҳар бўлинмаси бош мутахассиси Г.Очилова иштирок этиб, адибнинг дунё адабиёти тарихидаги ўрни, илм-фан, маданият ва санъат, адабиёт аҳлига кўрсатган ҳомийлиги ҳақида сўз юритиб, бобокалонимиздан мерос бўлган бадиий адабиётларни кўпроқ мутолаа қилиш ва муносиб авлод бўлиш кераклигини таъкидлаб ўтилди.

Байрам тадбирида мактаб ўқувчилари томонидан тайёрланган ғазаллар, рубоийлар, рақслар ва саҳна кўринишлари намойиш этилди.

Ўтказилган тадбирда фаол иштирок этган ўқувчилар бадиий адабиёт китоблар билан тақдирланди.

Сирдарё вилояти божхона бошқармаси раҳбарияти ва масъуллари томонидан вилоятда инвестиция лойиҳаларининг амалга оширилиши ва ўзлаштирилиши бўйича Ховос туманидаги “Textile fashion” МЧЖда сайёр учрашув ташкил этилди.

“Textile fashion” МЧЖ томонидан фаолиятини кенгайтириб, янги 3 та лойиҳа бўйича матони бўяш, мато ва трикотаж маҳсулотлари ишлаб чиқариш қувватларини ишга тушириш билан қўшимча 1200 та янги иш ўрни яратилиши режалаштирилмоқда.

Бугунги кунда мазкур лойиҳалар бўйича ўзлаштириладиган инвестиция маблағлари доирасида олиб келинадиган технологик асбоб-ускуналар бўйича хорижий ҳамкорлар билан музокаралар олиб борилмоқда.

Учрашувда корхонанинг муаммо ва таклифлари ўрганилиб, уларни ҳал этиш юзасидан амалга ошириладиган асосий йўналишлар белгилаб олинди.

Хусусан, мана шундай тадбирлардан бири вилоят божхона бошқармасида садоқат билан хизмат қилган ва ўз хизмат бурчини бажариш вақтида ҳалок бўлган Акмал Аъзамов хонадонида бўлиб ўтди.

Суҳбат давомида А.Аъзамовни хизмат вақтида тизимга қўшган ҳиссалари илиқ таассуротлар билан хотирланиб, унинг ёрқин хотираси ҳеч қачон унутилмаслигини билдиришиб, оила аъзоларига байрам совғалари тақдим этилди.