Янгиер шахар хокимлиги ташаббуси билан “Амалга оширилаётган ислоҳотлар ва янгиликлар: ободонлаштириш соҳасида жорий этилаётган янги ёндашувлар ва тизимли ўзгаришлар ҳамда очиқлик ва шаффофликни таъминлаш — коррупциянинг олдини олиш омили” мавзусида матбуот анжумани ташкил этилди.

Тадбирда шаҳар мутасадди ташкилотлари вакиллари, оммавий ахборот воситалари ходимлари, блогерлар ҳамда жамоатчилик фаоллари иштирок этди. Анжуман давомида Янгиер шаҳрида амалга оширилаётган ободонлаштириш ишлари, инфратузилмани ривожлантириш ҳамда аҳоли учун қулай ва хавфсиз муҳит яратиш борасидаги ишлар ҳақида атрофлича маълумот берилди.

🌿 Ободонлаштириш соҳасида янги ёндашувлар

Қайд этилганидек, шаҳарда ҳудудларни янада обод ва кўркам қилиш, яшил ҳудудларни кенгайтириш ҳамда шаҳар инфратузилмасини такомиллаштиришга алоҳида эътибор қаратилмоқда. Шу мақсадда кўча ва хиёбонларни мунтазам тозалаш, дарахт ва манзарали кўчатлар экиш, яшил майдонларни парваришлаш ва суғориш тизимини яхшилаш бўйича тизимли ишлар амалга оширилмоқда.

Шунингдек, аҳоли учун қулай шарт-шароитлар яратиш мақсадида болалар майдончалари, дам олиш масканлари, сайилгоҳлар ҳамда жамоат жойларини ободонлаштириш ишлари изчил давом эттирилмоқда. Кўчаларга замонавий ёритиш мосламаларини ўрнатиш, ички йўлларни тартибга келтириш, ариқ ва лотокларни тозалаш, чиқиндиларни ўз вақтида олиб чиқиш тизимини такомиллаштириш ҳам устувор вазифалардан бири сифатида белгиланган.

Бундан ташқари, ободонлаштириш ишларининг самарадорлигини ошириш мақсадида техник база мустаҳкамланиб, махсус техника ва жиҳозлар босқичма-босқич янгиланмоқда. Ходимлар малакасини ошириш мақсадида ўқув-амалий семинарлар ҳам ташкил этилмоқда.

🛣 Йўл инфратузилмаси ва шаффофлик тамойиллари

Матбуот анжуманида шаҳарда йўл инфратузилмасини ривожлантириш борасида амалга оширилаётган ишларга ҳам алоҳида тўхталиб ўтилди. Йўл қурилиши ва таъмирлаш ишлари тегишли режалар асосида амалга оширилиб, бу борада жамоатчиликка мунтазам равишда ахборот бериб борилаётгани таъкидланди.

Йўл соҳасида очиқлик ва шаффофликни таъминлаш, фуқаролар мурожаатларини ўз вақтида кўриб чиқиш ҳамда давлат маблағларидан мақсадли фойдаланишни назорат қилиш муҳим вазифалардан бири сифатида белгиланган. Бу эса соҳада адолат ва қонунийлик тамойилларини мустаҳкамлашга хизмат қилмоқда.

Шунингдек, коррупциянинг олдини олиш мақсадида хизмат фаолиятида қонунийликка қатъий риоя этиш, жамоатчилик назоратини кучайтириш ҳамда ходимлар ўртасида ҳуқуқий маданиятни ошириш бўйича тушунтириш ишлари олиб борилаётгани маълум қилинди.

Анжуман якунида журналист ва блогерлар томонидан берилган саволларга масъуллар томонидан атрофлича жавоблар берилди.

✍️ Таҳририят фикри

Мазкур матбуот анжумани Янгиер шаҳрида амалга оширилаётган ободонлаштириш ишлари, инфратузилмани модернизация қилиш ва шаҳарни янада замонавий қиёфага келтириш борасида олиб борилаётган тизимли ишлар ҳақида кенг жамоатчиликка муҳим маълумотлар беришга хизмат қилди.

Айниқса, давлат бошқарувида очиқлик ва шаффофлик тамойилларига алоҳида эътибор қаратилиши, жамоатчилик билан мулоқотнинг кучайтирилиши ҳамда аҳоли мурожаатларига тезкор муносабат билдирилиши шаҳар ривожи учун муҳим омил ҳисобланади.

Бундай очиқ мулоқотлар давлат идоралари ва жамоатчилик ўртасидаги ишончни мустаҳкамлаб, Янгиер шаҳрининг янада обод, тоза ва замонавий шаҳарга айланишига хизмат қилиши шубҳасиз.

ОАВ МУХБИРИ
ГАНИЕВ АМИРБЕК

11 март куни Янгиер шаҳрида оила ва хотин-қизлар тизимида “Очиқлик ва шаффофликни таъминлаш, коррупцияни олдини олиш” масалаларига бағишланган матбуот анжумани бўлиб ўтди. Тадбир Янгиер шахар хокимлиги томонидан ташкил этилди.

Матбуот анжуманида шаҳар ҳокимининг ўринбосари, Оила ва хотин-қизлар бўлими бошлиғи Барно Бекназарова ҳамда оммавий ахборот воситалари вакиллари, журналистлар ва блогерлар иштирок этди.

Тадбир давомида аҳолини ижтимоий қўллаб-қувватлаш, айниқса, уй-жой билан боғлиқ масалаларда фуқароларга кўмак бериш бўйича амалга оширилаётган ишлар ҳақида батафсил маълумот берилди. Хусусан, уй-жой учун субсидиялар ажратиш тартиби, мазкур жараённинг қонунчилик талаблари асосида амалга оширилиши ва унинг шаффофлигини таъминлаш масалаларига алоҳида тўхталиб ўтилди.

Қайд этилганидек, субсидия ажратиш жараёни замонавий электрон тизимлар орқали, инсон омили аралашувисиз амалга оширилмоқда. Бу эса фуқаролар учун тенг имкониятлар яратиш, адолатлиликни таъминлаш ҳамда коррупциявий ҳолатларнинг олдини олишда муҳим аҳамият касб этмоқда.

Шунингдек, анжуман давомида оила ва хотин-қизлар тизимида амалга оширилаётган ислоҳотлар, аҳоли мурожаатлари билан ишлаш механизмлари, ижтимоий ҳимоя ва қўллаб-қувватлашга қаратилган чора-тадбирлар ҳақида ҳам атрофлича маълумот берилди.

Тадбир якунида журналист ва блогерлар томонидан берилган саволларга масъуллар томонидан батафсил ва очиқ жавоблар қайтарилди. Бу эса давлат идоралари ва оммавий ахборот воситалари ўртасидаги очиқ мулоқотни янада мустаҳкамлашга хизмат қилди.

✍️ Таҳририят фикри

Мазкур матбуот анжумани давлат бошқаруви тизимида очиқлик ва шаффофлик тамойилларини таъминлаш, жамоатчилик билан мулоқотни кучайтириш ҳамда аҳолининг ижтимоий ҳимоясини янада мустаҳкамлашга қаратилган муҳим ташаббуслардан бири бўлди.

Айниқса, уй-жой субсидияларини электрон тизим орқали тақсимлаш амалиёти фуқаролар учун адолатли ва шаффоф муҳит яратишда муҳим қадам бўлиб хизмат қилмоқда. Бундай очиқ мулоқотлар жамоатчилик ишончини ошириш ва давлат органлари фаолиятининг самарадорлигини янада юксалтиришга хизмат қилиши шубҳасиз.

ОАВ МУХБИРИ
ГАНИЕВ АМИРБЕК

Янгиер шаҳар ҳокимлигида 2025 йил якунлари ва 2026 йил устувор вазифаларига бағишланган матбуот анжумани ўтказилди

Янгиер шаҳар ҳокимлигида “Шаҳарнинг 2025 йил якунлари ва асосий натижалари, хорижий инвестицияларни ўзлаштириш, экспорт прогнозларини бажариш ҳамда аҳоли бандлигини таъминлаш ва камбағалликни қисқартириш борасида эришилган натижалар” мавзусида матбуот анжумани бўлиб ўтди.

Анжуманда шаҳар раҳбарияти томонидан оммавий ахборот воситалари ва жамоатчилик вакилларига Янгиер шаҳрининг ижтимоий-иқтисодий ривожи, саноат ва инвестиция лойиҳалари, экспорт салоҳияти ҳамда аҳоли турмуш фаровонлигини ошириш йўлида амалга оширилган ишлар юзасидан атрофлича маълумот берилди.

📊 САНОАТ — ШАҲАР ИҚТИСОДИЁТИНИНГ АСОСИЙ ТАЙАНЧИ

Сўнгги йилларда Янгиер шаҳри жадал ривожланиб, ҳақиқий саноат марказига айланмоқда. Шаҳарда янги ишлаб чиқариш корхоналари барпо этилиб, мавжуд корхоналар қувватлари кенгайтирилмоқда.

Хусусан, 2024 йилда 1,2 трлн сўмлик маҳсулот ишлаб чиқарилган бўлса, 2025 йил якунларига кўра ушбу кўрсаткич 1,8 трлн сўмга етди. Натижада ишлаб чиқариш ҳажми 120 фоизга ўсиб, шаҳар иқтисодий барқарорлигининг мустаҳкам асослари шаклланди.

🌍 ХОРИЖИЙ ИНВЕСТИЦИЯЛАР: ИШОНЧ ВА САМАРАДОРЛИК

2025 йилда хорижий инвестиция ва кредитларни ўзлаштириш борасида ҳам юқори натижалар қайд этилди. Дастлаб 15 та лойиҳа доирасида 219 млн доллар инвестиция жалб этиш режалаштирилган бўлса, йил якунида 25 та лойиҳа асосида 220 млн долларлик хорижий инвестиция ва кредитлар ўзлаштирилди. Бу ўтган йилга нисбатан 2,9 баробар ўсишни ташкил этди.

Жумладан:

• “Jingu Sanoat Parki” МЧЖ ХК томонидан 50 млн долларлик текстиль лойиҳаси,

• “HONGXING DEVELOPMENT” МЧЖ томонидан томчилатиб суғориш қувурлари ва плёнкалар ишлаб чиқариш,

• Хитой технопарки доирасида полиэтилен қувурлар, алюминий маҳсулотлари ва кабел ишлаб чиқариш лойиҳалари амалга оширилмоқда.

Ушбу ташаббуслар маҳаллий хом ашёни чуқур қайта ишлаш, импорт ўрнини босувчи ва экспортбоп маҳсулотлар ишлаб чиқаришга хизмат қилмоқда.

🚢 ЭКСПОРТ — ЯНГИ ИМКОНИЯТЛАР САРИ

2025 йилда Янгиер шаҳрида жами 71,2 млн долларлик экспорт амалга оширилди. Бу ўтган йилга нисбатан 103 фоизни ташкил этиб, шаҳар экспорт салоҳияти изчил ошиб бораётганини кўрсатди.

Экспорт таркибида озиқ-овқат маҳсулотлари, тўқимачилик, мева-сабзавот ва қурилиш материаллари етакчи ўринни эгаллади. Экспортёр корхоналар сони 14 тадан 17 тага етказилиб, маҳаллий ишлаб чиқарувчиларни ташқи бозорларга олиб чиқиш бўйича тизимли ишлар давом эттирилмоқда.

👥 АҲОЛИ БАНДЛИГИ ВА КАМБАҒАЛЛИКНИ ҚИСҚАРТИРИШ

2025 йилда аҳоли бандлигини таъминлаш ва камбағалликни қисқартириш йўналишида ҳам сезиларли натижаларга эришилди. Жами 7657 нафар фуқаро иш билан таъминланиб, белгиланган режа 101 фоизга бажарилди.

Натижада:

• ишсизлик даражаси 5,7 фоиздан 4,1 фоизга,

• камбағаллик даражаси эса 9 фоиздан 2,1 фоизга туширилди.

“Сайхунобод” тажрибаси, микролойиҳалар, кредитлар ва касб-ҳунарга ўқитиш дастурлари аҳолининг барқарор даромад манбаига эга бўлишига хизмат қилмоқда.

🔮 2026 ЙИЛ — МАНЗИЛЛИ РИВОЖ ВА РАҚАМЛАШТИРИШ

Анжуманда 2026 йил учун аниқ мақсадлар белгилаб олинди. Жумладан, 1371 нафар аҳолини доимий иш билан таъминлаш, 226 та камбағал оилани тўлиқ қўллаб-қувватлаш ҳамда камбағаллик даражасини 0 фоизга тушириш режалаштирилган.

Бу борада “Осон иш” рақамли платформаси орқали иш изловчилар ва иш берувчилар ўртасида очиқ ва шаффоф ҳамкорлик йўлга қўйилмоқда.

Анжуман якунида бандлик тизимида очиқлик ва шаффофликни таъминлаш, коррупциянинг олдини олиш мақсадида амалга оширилаётган ишлар ҳам алоҳида таъкидланди. Хусусан, хизмат биноларида замонавий кузатув камералари ўрнатилиб, хизматлар сифатини оширишга эришилмоқда.

✍️ SirdaryoLive таҳририятидан фикр

Янгиер шаҳар ҳокимлиги томонидан ўтказилган мазкур матбуот анжумани шаҳар ривожининг очиқ, аниқ рақамлар ва манзилли режалар асосида олиб борилаётганини кўрсатди. Саноат, инвестиция, экспорт ва ижтимоий соҳадаги натижалар Янгиер шаҳрининг барқарор тараққиёт йўлида ишонч билан илгарилаётганини тасдиқлайди.

SirdaryoLive ОАВ жамоаси шаҳар ҳаётидаги муҳим ислоҳотлар ва янгиликларни доимий равишда ёритиб боради.

ОАВ МУХБИРИ

ГАНИЕВ АМИРБЕК

SirdaryoLive'га Боёвут тумани ҳокими Дилфуза Уралова фермерлар билан ўтказган йиғилишдан ёзиб олинган аудио келиб тушди. Унда ҳоким фермерларни кўп ерни эгаллаб олиб, бажара олмаётганликда айблаган.

Йиғилиш асосан ҳокимнинг фермерларга нисбатан ҳақорати билан ўтган. Ҳудуддаги пахта “планини” бажармаган фермерлар номма-ном саналиб, улар нега теримни ташкил қилмаётгани танқид қилинган.

“Мард бўлиб, ғаллани экиб, майсадай қилиб юрмайсанми? Нима қиласан ерни олиб, эплолмаётган бўлсанг ташла. 100 гектар бўлса, 20 гектарга кучинг етадими, 10 гектаргами ёки 50 гектаргами, биласан-ку ўзинг неча гектарга кучинг етишини, ноинсоф”, деган ҳоким фермерларга қарата.

Йиғилиш жараёнида Дилфуза Уралова тумандаги “Абдумандат ота фарзандлари” фермер хўжалиги раиси Шуҳрат Ҳожиевни ҳақорат қилган. Бунга жавобан фермер ҳокимдан ҳурматини сақлашни сўраган. Ҳоким эса ҳақоратга ҳам қониқмасдан, ИИБга уни қамаб қўйишни буюрган.

Рўйхатни ўқиб турган ходим “Абдумандат ота фарзандлари” фермер хўжалигининг 40 гектар пахта даласи борлиги, 109 тонна мажбурият белгилангани, ҳозирда 80 тонна ҳосил топширганини айтган. Шундан сўнг ҳоким ва фермер ўртасидаги суҳбат шундай кечган:

— “Опа, иккинчи терим шундай турибди, “пашти” 30 гектар.

— Ҳаром, мен бориб тердириб келайми, нега тердирмайсан? А, Нимага?! Гап эшитиш осонми? Нега тердириб қўймайсан? Нега бажариб қўйиб керилмайсиз?

— Бажарамиз.

— Нимага шу вақтгача бажармадинг?

— Шу пайтгача вақт бўлгани йўқ.

— Ие, нега вақт бўлмайди?

— Опа, вақт бўлмади, ғалла экдим”.

Суҳбат шу нуқтага келганида ҳоким фермерга куч ишлатган ва “падарингга лаънат, эшак”, дея ҳақорат қилган. Фермер эса марҳум отасини ҳақорат қилмасликни сўраган. “Биласанми менинг падарим қачон ўлиб кетган? Тегма падаримга”, деган у. Ҳоким эса “Тегаман, юз марта тегинаман, ноинсоф. Ифлос, нимага қилиб қўймадинг?” дея жавоб қайтарган.

Жанжалдан кейин фермер йиғилиш ўтказилаётган хонадан олиб чиқиб кетилган. Дилфуза Уралова эса ёнидаги ходимга ИИБга айтишни, оёқ-қўлини боғлаб олиб кетиб, қамаб қўйишни буюрган.

Туман ҳокимининг бу ҳаракати қонунчиликка зид. Жумладан, “Фермер хўжалиги тўғрисида”ги қонуннинг 22-моддасига кўра, фермер хўжаликларининг хўжалик фаолиятига давлат органлари ҳамда бошқа органлар ва ташкилотлар, шунингдек, уларнинг мансабдор шахслари аралашувига йўл қўйилмайди.

Kun.uz вазиятга ойдинлик киритиш мақсадида Боёвут тумани ҳокимлиги матбуот хизмати Фурқат Пўлатов билан боғланди. Унинг билдиришича, мазкур йиғилиш 25 октябр куни ўтказилган.

Сирдарё вилояти ҳокимлиги ҳолат юзасидан расмий муносабат билдирди. Унга кўра, аудиоёзувнинг ҳаққонийлиги, ҳолат қачон, қаерда ва қандай вазиятда юз берганига ойдинлик киритилиб, вилоят ҳокимлиги Одоб-ахлоқ комиссияси йиғилишида кескин танқидий муҳокама этилган.

“Комиссия томонидан ушбу хатти-ҳаракатлар давлат хизматчиси этикаси ва одоб-ахлоқ қоидаларини бузиш деб баҳоланди. Ўз навбатида туман ҳокими ҳолат бўйича тушунтириш бериб, юзага келган вазиятдан пушаймонлигини айтди. Иккинчи томон билан суҳбатлашгани, ўзаро муносабатларидаги ёқимсиз ҳодисага тўлиқ барҳам берилганини билдирди.

Ҳозирда йиғилиш баённомаси асосида Дилфуза Ураловага нисбатан тегишли тартибда интизомий жазо чораларини кўриш учун вилоят ҳокимига тақдимнома киритилган”, дейилади ҳокимлик муносабатида.

Маълумот учун, асли касби ўқитувчи бўлган Дилфуза Уралова 2020 йил феврал ойида Боёвут тумани ҳокими лавозимига тайинланганди. Бунгача у Сирдарё вилояти ҳокими ўринбосари, хотин-қизлар қўмитаси раиси лавозимида ишлаб келган.

Манба Kun.uz

Унда Сирдарё вилояти ҳокимининг биринчи ўринбосари Абдурахим Умаров, Қонликўл тумани ҳокими Бахрам Султанов, кенг жамоатчилик қатнашди.

Тўй болаларнинг ҳар бирига велосипед, ширинликлар, бош-оёқ сарпо совға қилинди. Эртак қаҳрамонлари иштирокидаги томошалар, маданият ходимларининг мусиқий чиқишлари тадбирга яна-да кўтаринкилик бағишлади.

Унда вилоят ҳокими Акмалжон Махмудалиев, вилоят прокурори Савид Иматов, вилоят солиқ бошқармаси бошлиғи Улуғбек Хатамов, вилоят ҳокими ўринбосарлари, коммунал хизмат ташкилотлари ва тижорат банклари раҳбарлари, шунингдек, туман, шаҳар ҳокимлари ва тадбиркорлар қатнашди.

Мулоқот чоғида вилоят ҳокими экспорт фаолиятини самарали рағбатлантириш Президентимиз томонидан белгилаб берилган устувор йўналишлардан бири экани, шу жиҳатдан хусусий бизнес вакиллари билан ташкил қилинадиган тўғридан-тўғри мулоқотлар ушбу соҳанинг ҳозирги ҳолатини ўрганиш ва уни такомиллаштириш бўйича истиқболли таклифларни ишлаб чиқишда энг самарали восита сифатида қаралаётганини таъкидлади.

Давра суҳбати давомида тадбиркорлар ишлаб чиқариш ва экспорт фаолияти жараёнида дуч келинаётган долзарб масалаларни билдириб ўтди. Шунингдек, ечими экспорт салоҳияти ва маҳаллий ишлаб чиқарувчиларнинг ўсишига ёрдам берадиган тизимли муаммолар атрофлича муҳокама этилди.

Мавжуд бўлган ишлаб чиқаришни кенгайтириш, тўлиқ қиймат занжирларини яратиш, савдонинг янги йўналишларини ўзлаштириш ва янги истиқболли хорижий бозорларга чиқиш орқали экспорт ҳажмини оширишга алоҳида урғу берилди.

Билдирилган таклифлардан келиб чиқиб, ишлаб чиқарувчилар ва экспортчилар билан мунтазам равишда жойларга бориб, муайян корхоналар кесимида аҳволни ўрганиш ва уларни олдида турган муаммоларни ҳал этишнинг муҳим йўналишлари белгилаб олинди.

Соғлигидаги муаммолар сабаб ўз аризасига биноан Гулистон шаҳар ҳокими лавозимидан бўшаган Тўлқин Дадабоев хайрлашув мактубини ёзди.

«Қадрли хамшаҳарлар, шаҳримизнинг фаол раҳбар ва ходимлари! Сиз азизларга шуни маълум қиламанки, Гулистон шаҳрида олиб борган фаолиятим 2024 йилнинг 5 феврал куни ўз ниҳоясига етди. Сизлар билан биргаликда ўтган давр мобайнида гўзал шаҳримизнинг фаровонлиги йўлида олиб борган фаолиятимиздан юксак ғурур ҳис қиламан.
Гулистон шаҳри ҳамиша мен учун қадрдон бўлиб қолаверади. Ҳар бир маҳалла, ҳар бир кўча, Гулистоннинг меҳнаткаш аҳолиси қалбим тўридан жой олди. Юртимиз фаровонлиги йўлида ҳар қандай вазиятда ҳам елкама-елка туриб фаолият олиб бордингиз. Бунда сизларнинг меҳнатингиз беқиёс. Бунинг учун барчангизга катта раҳмат деб қоламан. Сизлар билан ишлаш мен учун юксак ғурур, фахр ва ифтихор туйғусини ҳис қилиш имконини берди.
Фаолиятим давомида, иш жараёнида кимнидир ранжитган бўлсам барчаларингиздан узр сўрайман. Мен учун доимо азиз ва қадрли инсоним бўлиб қоласиз. Меҳнатларингиздан рози бўлинг. Келгусидаги иш фаолиятингизда омад ва зафарлар тилайман»,

- дея сўнгги сўзини қолдирди собиқ ҳоким.

Respublika Ma’naviyat va ma’rifat Kengashi yig‘ilishida berilgan topshiriqlar ijrosini ta’minlash hamda Yangi O‘zbekistonni bunyod etish yo‘lida amalga oshirilayotgan keng ko‘lamli islohotlar, erishilayotgan yutuqlarni xalqimizga yetkazish maqsadida Boyovut tumanidagi barcha mahallalarda “Yangi hayot uchun, Yangi O‘zbekiston uchun!” shiori ostida “Mahallada duv-duv gap” ma’naviy-ma’rifiy va madaniy-musiqiy tadbirlar bo‘lib o‘tmoqda.

Xususan, ayni mazmundagi tadbirlar bugun Farhod, Navro'z va Ijodkor mahalla fuqarolar yig‘inlarida tashkillandi.

Tuman hokimligi, Ma’naviyat va ma’rifat markazi tuman bo‘linmasi, tuman madaniyat bo‘limlari hamda Yoshlar ishlari agentligi hamkorligida o‘tkazilgan tadbirlardan asosiy maqsad mahallalarda ijtimoiy-ma’naviy muhitni sog‘lomlashtirish, aholining bo‘sh vaqtlarini mazmunli o‘tkazish, umumbashariy qadriyatlarni kelajak avlod ongiga singdirishdan iborat ekanligi qayd etildi.

Tadbirlarda so‘zga chiqqanlar yurtimizda mahallalarga berilayotgan e’tibor, barcha sohalarda amalga oshirilayotgan izchil islohotlar samaralari va bunyodkorlik tadbirlari haqida ta’kidlab o‘tdilar.

Ma’naviy-ma’rifiy tadbirlar tuman mahallalarida davom etmoqda.