“Hududgaz Sirdaryo” газ таъминоти филиалида оммавий ахборот воситалари вакиллари иштирокида матбуот анжумани бўлиб ўтди. Тадбирга вилоят ҳудудида фаолият юритаётган оммавий ахборот воситалари, журналистлар ҳамда блогерлар таклиф этилди.

Матбуот анжумани давомида газ таъминоти соҳасида амалга оширилаётган ислоҳотлар, жорий этилган янгиликлар ҳамда соҳани ривожлантиришга қаратилган замонавий ёндашувлар ҳақида батафсил маълумотлар тақдим этилди. Хусусан, аҳоли ва тадбиркорлик субъектларини барқарор табиий газ билан таъминлаш, хизматлар сифатини ошириш ҳамда тизимда рақамлаштириш жараёнларини кенг жорий этиш масалаларига алоҳида эътибор қаратилди.

Анжуман давомида филиалнинг тегишли бўлим бошлиқлари томонидан тақдимотлар намойиш этилиб, жорий йилда амалга оширилган ишлар, мавжуд муаммолар ва келгусида режалаштирилган вазифалар ҳақида атрофлича тушунтиришлар берилди. Шунингдек, газ тармоқларини янгилаш, техник хавфсизликни таъминлаш ва истеъмолчилар билан ишлаш тизимини такомиллаштириш йўналишида олиб борилаётган ишлар ҳақида ҳам маълумот берилди.

Тадбир иштирокчилари томонидан билдирилган саволларга соҳа мутахассислари томонидан асосли ва батафсил жавоблар қайтарилди. Бу эса оммавий ахборот воситалари ва жамоатчилик вакилларининг газ таъминоти соҳасида олиб борилаётган ишлар ҳақида тўлиқ тасаввур ҳосил қилишига хизмат қилди.

Матбуот анжумани очиқ ва самимий мулоқот руҳида ўтиб, “Hududgaz Sirdaryo” газ таъминоти филиали ҳамда ОАВ вакиллари ўртасидаги ўзаро ҳамкорликни янада мустаҳкамлашга хизмат қилди.

✍️ ҚИСҚА ИЖОБИЙ ФИКР (ОТЗЫВ)

“Hududgaz Sirdaryo” газ таъминоти филиали томонидан ташкил этилган матбуот анжумани юқори савияда, очиқлик ва шаффофлик тамойиллари асосида ўтказилди. Тадбир давомида газ таъминоти соҳасида амалга оширилаётган ислоҳотлар ва режалар ҳақида аниқ ҳамда тушунарли маълумотлар берилди. ОАВ вакиллари билан ўтказилган очиқ мулоқот соҳадаги ишларга бўлган ишончни янада оширишга хизмат қилди.

ОАВ МУХБИРИ

ГАНИЕВ АМИРБЕК

“Hududgaztaʼminot” AJ fuqarolardan gaz jihozlari ishlab turgan xonalarda dam olishga yoʻl qoʻymaslikni va chiroqni yoqishdan oldin gaz hidi yoʻqligiga ishonch hosil qilib, u aniqlangan holda 104 telefon raqami orqali gaz xizmatiga murojaat qilishini eslatib oʻtadi.

Fursatdan foydalanib, “Hududgaztaʼminot” AJ isteʼmolchilarni bayram kunlarida tabiiy gaz bilan uzluksiz taʼminlash uchun toʻlovni oʻz vaqtida amalga oshirish zarurligini eslatib oʻtadi. Toʻlovlarni tuman gaz taʼminoti boʻlimlari va joylarda tashkil etilgan bank filiallarida, shuningdek, barcha toʻlov tizimlarining mobil ilovalari orqali 24/7 rejimida amalga oshirish mumkinligini eslatib oʻtadi.

Maʼlumot uchun: Tabiiy gaz taʼminotini qaytadan boshlash uchun toʻlovni amalga oshirish va hisoblash asbobi blokirovka boʻlib qolishining oldini olish maqsadida, oʻlchagichni yoqishdan oldin barcha gaz uskunalarini oʻchirib qoʻyish lozim. Koʻk rangli “Enter” tugmasining uch marta bosilishi yonilgʻi taʼminotini davom ettirishga imkon beradi. Notoʻgʻri yoqilganligi sababli “aqlli” hisoblagich blokirovka boʻlib qolgan taqdirda 1104 raqamiga qoʻngʻiroq qilish kerak. “Hududgaztaʼminot” AJ Сall-markazi operatori hisoblagichingizni ulashda yordam beradi.

“Hududgaztaʼminot” AJ matbuot xizmati