SirdaryoLive ОАВ журналистлари Ховос туманига ташриф буюриб, аҳоли билан яқиндан мулоқот ўтказишни бошлади. Айниқса, сўнгги кунларда турли миш-мишлар сабаб “қизил зона” деб аталаётган ҳудудлардаги аҳволни ўрганиш, ҳақиқий вазиятни жойида кўриш ва аҳоли фикрини эшитиш мақсад қилинган.

Ташриф давомида журналистлар одамлар билан суҳбатлашиб, уларни қизиқтирган саволларга жавоб топиш, мавжуд муаммоларни ёритиш хамда ҳаққоний маълумотларни жамоатчиликка етказиш устида иш олиб бормоқда.

Учрашувлар ва ҳал этилган муаммолар

Шунингдек, SirdaryoLive ОАВ гуруҳи Истиқлол МФЙ раиси М. Абдуева ва Тинчлик МФЙ раиси С. Боймуродов билан учрашди. Уларнинг самимийлик ва ҳамкорликка тайёрлигини алоҳида эътироф этамиз.

Ташриф давомида аҳоли томонидан билдирилган бир қанча мурожаатлар тегишли ташкилотлар билан ҳамкорликда кўриб чиқилди. Хусусан:
🔴ичимлик суви билан боғлиқ муаммолар,
🔴кўча ёритгичларини ўрнатиш,
🔴ҳудудларни тозалаш ва санитария масалалари,
🔴ҳамда турар-жойлардан чиқадиган маиший чиқиндилар учун махсус жойларни белгилаш каби масалалар юзасидан амалий ишлар бошланди.

🤝Миннатдорчилик
♻️"ТОЗАХУДУД"ДУК Ховос тумани раҳбари Ж.Ботировга ҳам ташрифнинг биринчи дақиқалариданоқ ҳамкорлик ва ёрдам кўрсатгани учун самимий миннатдорчилик билдирамиз.

Халқнинг фикри – бизнинг асосий йўналишимиз.
SirdaryoLive ОАВ ҳудудлардаги ҳақиқий вазиятни очиқ, аниқ ва холис равишда ёритишни давом эттиради.

Ганиев А

ОАВ мухбири

Гулистон аҳолисидан муҳим мурожаат: Банкоматлар ишламаяпти!

Биз, Гулистон шаҳар аҳолиси, банк хизматларидаги жиддий муаммо юзасидан мурожаат қиламиз.
Сўнгги уч кундан ортиқ вақтдан буён шаҳаримиздаги бир қатор банкларнинг банкоматлари ишламаётгани кузатилмоқда. Бу ҳолат нақд пул ечиш, тўловларни амалга ошириш ва бошқа зарур молиявий амалиётларни бажаришда бизга катта ноқулайликлар туғдирмоқда.

Аҳолининг кунлик эҳтиёжлари учун зарур бўлган банкоматларнинг узоқ муддат ишламаслиги, айниқса, дам олиш кунлари вақтида жиддий муаммоларни келтириб чиқармоқда. Кўплаб фуқаролар ўз маблағларидан фойдалана олмай, қийин аҳволга тушиб қолмоқда.

Ҳурматли масъул банклар ва тегишли ташкилотлар!

Сиздан ушбу вазиятга зудлик билан эътибор қаратиб, банкоматларнинг тезда ишга туширилишини ва узлуксиз фаолиятини таъминлашни сўраймиз. Аҳоли учун қулай ва шаффоф молиявий хизматларни йўлга қўйиш асосий устувор вазифа бўлиши керак.
Умид қиламизки, мурожаатимиз инобатга олиниб, муаммо қисқа муддатда ҳал этилади.

Ҳурмат билан, Гулистон шаҳар аҳолиси.