Сирдарё вилояти спорт бошқармаси - Sirdaryo Live - расмий ахборот хизмати.

Сирдарё вилояти спорт бошқармасида очиқлик ва шаффофлик масалаларига бағишланган матбуот анжумани ўтказилди

sirdaryo24 — Mon, 16 Mar 2026 22:55:58 +0500

Сирдарё вилояти спорт бошқармаси томонидан “Очиқлик ва шаффофликни таъминлаш, коррупцияни олдини олиш омиллари” мавзусида матбуот анжумани ташкил этилди. Унда оммавий ахборот воситалари вакиллари, блогерлар ҳамда жамоатчилик фаоллари иштирок этди.

Анжуман давомида спорт соҳасида очиқлик ва шаффофликни таъминлаш, коррупцияга қарши курашиш ҳамда тизим фаолияти самарадорлигини ошириш борасида амалга оширилаётган ишлар ҳақида батафсил маълумотлар тақдим этилди.

Очиқлик ва ҳалоллик — устувор тамойил

Қайд этилганидек, бугунги кунда спорт соҳасида ҳам коррупциявий ҳолатларнинг олдини олиш, қонунийлик ва ҳалоллик тамойилларини мустаҳкамлашга алоҳида эътибор қаратилмоқда. Шу мақсадда спорт таълим муассасаларида фаолият юритаётган ходимлар ўртасида доимий равишда тушунтириш ва тарғибот ишлари олиб борилмоқда.

Тренер-ўқитувчилар, раҳбар ходимлар иштирокида семинарлар ва давра суҳбатлари ташкил этилиб, уларда коррупциянинг салбий оқибатлари, қонунчиликда белгиланган жавобгарлик чоралари ҳамда хизмат фаолиятида ҳалолликка амал қилишнинг аҳамияти кенг ёритилмоқда.

Ахборот очиқлиги ва жамоатчилик назорати

Бошқарма томонидан аҳолига кўрсатилаётган хизматларнинг очиқлигини таъминлаш мақсадида расмий веб-сайтлар ва ижтимоий тармоқлар орқали амалга оширилаётган ишлар, мусобақалар ва тадбирлар ҳақида мунтазам маълумотлар бериб борилмоқда. Бу эса жамоатчилик назоратини кучайтириш ва тизим шаффофлигини таъминлашда муҳим аҳамият касб этмоқда.

Шунингдек, молиявий маблағлардан самарали ва мақсадли фойдаланиш устидан қатъий назорат ўрнатилиб, харид жараёнларида очиқлик ва қонунчилик талабларига риоя этилиши таъминланмоқда.

Аҳоли мурожаатлари — эътибор марказида

Анжуманда фуқаролар мурожаатлари билан ишлаш тизимига ҳам алоҳида тўхталиб ўтилди. Қайд этилганидек, ҳар бир мурожаат белгиланган тартибда электрон рўйхатга олиниб, ижроси доимий назоратга олинади.

2025 йил давомида бошқармага жами 143 та мурожаат келиб тушган бўлиб:

121 таси ижобий ҳал этилган,
19 тасига ҳуқуқий тушунтириш берилган,
3 таси тегишли ташкилотларга юборилган.

Бу эса мурожаатларнинг катта қисми амалда ҳал этилаётганини кўрсатади.

Шунингдек, сайёр қабуллар, “ишонч телефони”, электрон мурожаатлар тизими орқали аҳоли билан доимий мулоқот йўлга қўйилган. 2025 йил давомида 11 та ҳудудда сайёр қабуллар ташкил этилиб, барча мурожаатлар ижобий ҳал этилгани таъкидланди.

2026 йил бошидан бугунги кунга қадар келиб тушган мурожаатларнинг 88 фоизи ижобий ҳал этилгани ҳам қайд этилди.

Келгуси режалар

Спорт бошқармаси томонидан келгусида ҳам очиқлик ва шаффофликни таъминлаш, аҳоли билан мулоқотни янада кучайтириш, мурожаатлар билан ишлаш сифатини ошириш ҳамда коррупцияга қарши курашиш бўйича тизимли ишлар изчил давом эттирилиши белгиланди.

✍️ Таҳририят фикри

Мазкур матбуот анжумани спорт соҳасида очиқлик ва шаффофликни таъминлаш, коррупцияга қарши курашиш ҳамда аҳоли билан самарали мулоқотни йўлга қўйиш борасида амалга оширилаётган ишлар изчил ва натижадор эканини намоён этди.

Айниқса, мурожаатларнинг катта қисми ижобий ҳал этилаётгани, жамоатчилик билан доимий мулоқот ўрнатилгани ва ахборот очиқлиги таъминланаётгани тизимда ишонч ва адолат муҳитини мустаҳкамлаётганини кўрсатади.

Бундай очиқ мулоқотлар ва шаффоф фаолият спорт соҳасининг барқарор ривожланишига хизмат қилиши шубҳасиз.

ОАВ МУХБИРИ
ГАНИЕВ АМИРБЕК

Спорт соҳасида амалга оширилаётган ислоҳотлар ва янгиликларга бағишланган матбуот анжумани ўтказилди

sirdaryo24 — Mon, 26 Jan 2026 17:37:57 +0500

Жорий йилнинг 26 январь куни Ўзбекистон Республикаси Президенти ҳузуридаги Бошқарув самарадорлиги агентлиги Сирдарё вилояти филиали мажлислар залида вилоят Спорт бошқармаси томонидан оммавий ахборот воситалари вакиллари, журналистлар ҳамда блогерлар иштирокида матбуот анжумани бўлиб ўтди.

Матбуот анжуманида вилоят Спорт бошқармаси Ахборот хизмати бошлиғи Анвар Туйчиев сўзга чиқиб, спорт соҳасида амалга оширилаётган кенг кўламли ислоҳотлар, жорий этилган янгиликлар ҳамда соҳада қўлланилаётган замонавий ёндашувлар ва ўзгаришлар ҳақида атрофлича маълумот берди.

Таъкидланганидек, бугунги кунда спортни оммалаштириш, аҳоли, айниқса, ёшлар ўртасида соғлом турмуш тарзини қарор топтириш устувор вазифалардан бири ҳисобланади. Шу мақсадда спорт инфратузилмасини ривожлантириш, спорт мактаблари фаолиятини такомиллаштириш, иқтидорли спортчиларни қўллаб-қувватлаш ва улар учун зарур шарт-шароитлар яратиш борасида тизимли ишлар олиб борилмоқда.

Шунингдек, спорт соҳасида рақамлаштириш жараёнларини жорий этиш, мусобақаларни ташкил этишда очиқлик ва шаффофликни таъминлаш, мураббийлар ва спортчилар малакасини ошириш, бошқарув самарадорлигини кучайтиришга қаратилган янги механизмлар ҳақида ҳам маълумотлар берилди.

Матбуот анжумани давомида журналист ва блогерлар томонидан билдирилган саволларга мутасаддилар томонидан батафсил ва асосли жавоблар қайтарилди. Очиқ ва самимий мулоқот руҳида ўтган тадбир спорт соҳасида олиб борилаётган ислоҳотлар ҳақида жамоатчиликни хабардор қилишда муҳим аҳамият касб этди.

✍️ ҚИСҚА ИЖОБИЙ ФИКР (ОТЗЫВ)

Вилоят Спорт бошқармаси томонидан ташкил этилган матбуот анжумани юқори савияда, очиқлик ва шаффофлик тамойиллари асосида ўтказилди. Тадбир давомида спорт соҳасида амалга оширилаётган ислоҳотлар ва янгиликлар ҳақида аниқ ва тушунарли маълумотлар тақдим этилди. ОАВ вакиллари билан ўтказилган очиқ мулоқот спорт соҳасидаги ўзгаришларга бўлган ишончни янада мустаҳкамлади.

ОАВ МУХБИРИ
ГАНИЕВ АМИРБЕК

Сирдарёда “Эко – Саве Арал-2025 ва Инсон учун” халқаро хайрия ва экологик оммавий югуриш мусобақаси бўлиб ўтди

sirdaryo24 — Sat, 05 Apr 2025 12:00:07 +0500

5 апрель куни Гулистон шаҳрида Ўзбекистон енгил атлетика федерацияси, Сирдарё вилояти ҳокимлиги, вилоят Спорт бошқармаси, Ижтимоий ҳимоя миллий агентлиги вилоят бошқармаси, вилоят Олий таълим, фан ва инновациялар бошқармаси, вилоят Мактабгача ва мактаб таълим бошқармаси, вилоят Божхона бошқармаси, вилоят Ёшлар ишлари бошқармаси ҳамда Ёшлар иттифоқи вилоят Кенгаши билан ҳамкорликда вилоятда мавжуд олий таълим муассасалари талабалари ўртасида «Талаба-югур» умумтаълим мактаблари ўқувчилари ўртасида, «Ўқувчи-югур» ногиронлиги бўлган шахслар ҳамда аҳолининг 7 ёшдан 70 ёшгача бўлган қатлами ўртасида “Эко – Саве Арал-2025 ва Инсон учун” халқаро хайрия ва экологик оммавий югуриш мусобақаси ўтказилди.

Ушбу мусобақада жами 4 500 нафардан зиёд спортсеварлар қатнашди.

Югуриш мусобақаси «Дўстлик» канали бўйлаб 3 км бўлган масофада ўтказилди.

Спорт соҳасидаги устувор вазифалар муҳокама қилинди

sirdaryo24 — Wed, 28 Feb 2024 22:43:39 +0500

🗣 Бугун Гулистон олимпия ва паралимпия спорт турларига тайёрлаш марказида вилоят спорт бошқармаси раҳбарияти ҳамда барча спорт таълим муассасалари директорлари иштирокида соҳада 2024 йилнинг 2 ойи давомида амалга оширилган ишлар ва йўл қўйилган камчиликлар кўриб чиқилди.

🎙 Шунингдек, йиғилишда вилоятдаги тегишли ташкилотлар масъуллари ҳам иштирок этишиб, республика хисоб палатаси, бош прокуратура, иқтисодиёт ва молия ҳамда спорт вазирликларининг бюджет маблағларидан мақсадли ва самарали фойдаланиш бўйича қабул қилинган қўшма қарорининг мазмун моҳияти билан кенгроқ таништириб ўтилди.

Бундан ташқари 2024 йилдаги устувор вазифалари юзасидан ишлаб чиқилган тақдимотлар муҳокама қилинди.

Йиғилиш сўнгида директорларнинг ҳисоботлари

тингланиб, масъулларга бир қатор вазифалар белгилаб берилди.

Xovos tumani 2-sonli sport maktabida yig‘ilish bo‘lib o‘tdi

sirdaryo24 — Sat, 06 Jan 2024 23:43:54 +0500

Joriy yilning 5-yanvar kuni Xovos tumani 2-sonli sport maktabida yig‘ilish bo‘lib o‘tdi.

Yig‘ilishda viloyat Yoshlar siyosati va sport boshqarmasi boshlig‘i Anvar Buranov, Xovos tumani hokimi o‘rinbosari Nodir Abdullayev hamda tuman 2-sonli sport maktabi jamoasi va trenerlar ishtirok etishdi.

Yig‘ilishda tashkiliy masala ko‘rib chiqildi.

🎙 Tashkiliy masalada bugungi kunda Xovos tumani 2-sonli sport maktabi direktori lavozimida ishlab kelgan Alimov Raxmon Karimovich sog‘ligi bilan bog‘liq muammolar bo‘lganligi sababli o‘z arizasiga binoan u bilan tuzilgan mehnat shartnomasi bekor qilindi.

Xovos tumani 2-sonli sport maktabiga doimiy direktor tayinlanguniga qadar direktor vazifasini vaqtincha bajarish sport maktabining yoʻriqchi-uslubchisi Moʻminov Shavkat Joʻraqulovich zimmasiga yuklatildi.

Sirdaryo viloyati Yoshlar siyosati va sport boshqarmasining matbuot kotibi Anvar Tuychiyev