Сирдарё вилояти Экология, атроф-муҳитни муҳофаза қилиш ва иқлим ўзгариши бошқармаси томонидан матбуот анжумани ўтказилди
Сирдарё вилояти Экология, атроф-муҳитни муҳофаза қилиш ва иқлим ўзгариши бошқармаси томонидан 2025 йилнинг январь–ноябрь ойларида амалга оширилган ишлар натижаларига бағишланган матбуот анжумани бўлиб ўтди. Тадбирда оммавий ахборот воситалари вакиллари, журналистлар ҳамда блогерлар иштирок этиб, соҳада амалга оширилаётган назорат-тадбирлари ва эришилган натижалар билан яқиндан танишдилар.
Анжуманда маълум қилинганидек, 2025 йилнинг ўтган даври мобайнида атроф-муҳитни муҳофаза қилиш соҳасида қонунбузарликларни бартараф этиш юзасидан кенг қамровли ишлар амалга оширилди. Жумладан, жами 4221 нафар шахсга 4 млрд 957 млн 623 минг сўм маъмурий жарима қўлланилиб, шундан 2 млрд 907 млн 613 минг сўм ундириб олинган. Шу билан бирга, қарийб 1 млрд 080 млн сўм миқдорида имтиёзлар қўлланилгани қайд этилди.
Табиатга етказилган зарарларни қоплаш масалалари ҳам доимий эътибор марказида бўлиб, 119 нафар шахсга 511 млн 904 минг сўм зарар ҳисобланиб, унинг 501 млн 112 минг сўми ундириб олинган.
Матбуот анжуманида ноқонуний балиқ овлаш, дарахтларни кесиш, ер ости бойликларидан рухсатсиз фойдаланиш каби ҳолатлар бўйича қатъий чоралар кўрилгани таъкидланди. Хусусан, вилоят ҳудудида ноқонуний дарахт кесиш ва балиқ овлаш билан боғлиқ 16 та ҳолат бўйича 26 млрд сўмдан ортиқ табиатга етказилган зарарлар юзасидан тўпланган материаллар прокуратура органларига юборилган.
Шунингдек, ов қилиш, балиқ овлаш, ўсимлик дунёси, атмосфера ҳавоси, сув ресурслари, ер ва ер ости бойликларини муҳофаза қилиш йўналишларида аниқланган ҳуқуқбузарликлар бўйича ҳам кенг қамровли чора-тадбирлар амалга оширилгани қайд этилди. Айниқса, чиқиндилар билан боғлиқ ҳолатлар бўйича 2000 дан ортиқ шахсга нисбатан маъмурий таъсир чоралари қўлланилиб, атроф-муҳитни тозалаш ва экологик маданиятни оширишга қаратилган ишлар кучайтирилган.
Анжуманда таъкидланганидек, Сирдарё вилояти Экология бошқармаси томонидан олиб борилаётган ишлар нафақат ҳуқуқбузарликларни аниқлаш, балки аҳолининг экологик онгини ошириш, табиатни асраш ва келажак авлод учун соғлом муҳитни сақлаб қолишга қаратилган.
Матбуот анжумани якунида журналист ва блогерлар томонидан берилган саволларга мутасаддилар томонидан атрофлича ва асосли жавоблар берилди. Тадбир очиқлик ва шаффофлик руҳида ўтиб, жамоатчилик билан ҳамкорликни янада мустаҳкамлашга хизмат қилди.
✍️ ҚИСҚА ИЖОБИЙ ФИКР (ОТЗЫВ)
Сирдарё вилояти Экология, атроф-муҳитни муҳофаза қилиш ва иқлим ўзгариши бошқармаси томонидан ташкил этилган матбуот анжумани юқори савияда, очиқ ва таҳлилий руҳда ўтказилди. Тадбирда соҳада амалга оширилган ишлар аниқ рақамлар ва мисоллар асосида ёритиб берилди. ОАВ вакиллари билан очиқ мулоқот ўрнатилгани экологик назорат ишларига бўлган ишончни янада оширди. Бундай анжуманлар жамоатчиликни атроф-муҳитни муҳофаза қилиш ишларига кенг жалб этишда муҳим аҳамият касб этади.
ОАВ МУХБИРИ
ГАНИЕВ АМИРБЕК