2026 йилнинг январь-апрель ойларида Кадастр агентлиги ҳамда Давлат кадастрлари палатаси Сирдарё вилояти бошқармаларида коррупцияга қарши кураш бўйича кенг қамровли чора-тадбирлар амалга оширилди. Ушбу даврда олиб борилган ишлар нафақат ходимлар ўртасида, балки кенг жамоатчилик ўртасида ҳам коррупцияга нисбатан муросасиз муносабатни шакллантиришга хизмат қилди.

Мамлакатимизда коррупцияга қарши кураш давлат сиёсатининг устувор йўналишларидан бирига айланган бугунги кунда ҳар бир идора, ҳар бир ходим бу борадаги масъулиятни чуқур ҳис этиши зарур. Сирдарё вилояти кадастр бошқармалари ҳам ушбу масъулиятни тўлиқ англаб, йил бошидан буён тизимли ва изчил иш олиб бормоқда.

Ҳисобот даври якунларига кўра, жами 86 марта коррупцияга қарши йўналтирилган тарғибот-ташвиқот ишлари амалга оширилди. Бу рақамнинг ўзи тарғибот ишларининг қанчалик жадал ва узлуксиз олиб борилганидан далолат беради. Ушбу тадбирларнинг 45 таси веб-сайт ва электрон ахборот воситаларида, 1 таси радио эфирида, 1 таси эса матбуот саҳифаларида ўз аксини топди. Қолган 41 тадбирда эса оғзаки ҳуқуқий тарғибот усулидан фойдаланилди — 26 марта давра суҳбатлари, 12 марта маърузалар ва 3 марта уйма-уй юриб ўтказилган тарғиботлар ташкил этилди.

Манзилли тарғибот-ташвиқот ишлари нафақат идора ичида, балки жамоатчилик ҳаётининг турли соҳаларини қамраб олди. Тадбирларнинг 2 таси маҳаллаларда, 36 таси меҳнат жамоаларида, 3 таси эса бошқа жойларда ўтказилди. Жами 486 нафар тинглувчи бу тадбирларда иштирок этиб, коррупциянинг моҳияти, оқибатлари ва унга қарши курашиш йўллари ҳақида батафсил маълумот олди. Бундан ташқари, 16 нафар ходим билан якка тартибда профилактика ишлари ҳам олиб борилди.

Тарғибот ишларини янада самарали ташкил этиш мақсадида муҳим амалий қарор қабул қилинди — вилоятнинг барча шаҳар-туман бўлим ва филиалларида ҳар ҳафта душанба куни ўтказиладиган режавий йиғилишларнинг ажралмас қисмига коррупцияга қарши тушунтириш ва профилактика тадбирлари киритилди. Бу ёндашув ходимларда тўғри касбий муносабатни мустаҳкамлашда муҳим омил бўлиб хизмат қилмоқда.

2026 йил 20 февраль куни эса Сирдарё ёшлари радиосининг «ФМ-Мулоқот» эшиттиришида бошқарманинг коррупцияга қарши кураш бўлими бош мутахассислари иштирокида кенг жамоатчилик учун мўлжалланган жонли суҳбат ташкил этилди. Унда коррупцияга қарши ички назорат тушунчаси ва унинг моҳияти, комплайнс-назоратнинг шакл ва турлари, соҳада бу борада амалга оширилаётган ишлар ҳақида батафсил маълумотлар берилди. Радио эшиттириши орқали тарғибот ишларини кенг омма орасида тарқатиш — бу анъанани келажакда ҳам давом эттириш режалаштирилмоқда.

Амалий чоралар сифатида эса барча бўлим ва филиалларда "Порахўрлик ва коррупциянинг салбий оқибатларини" ўзида акс эттирган эслатма буклетлар тайёрланиб, ҳар бир ходимнинг иш столига қўйилди. Ушбу оддий, аммо таъсирчан усул ходимларнинг кундалик иш фаолиятида тўғри қарорлар қабул қилишида қўшимча маънавий таянч бўлиб хизмат қилмоқда.

Қонунчилик асосини мустаҳкамлаш борасида ҳам жиддий ишлар амалга оширилди. Ходимларга Ўзбекистон Республикаси Президентининг "Коррупцияга қарши курашиш тизимини янада такомиллаштириш бўйича белгиланган устувор вазифалар ижросини самарали ташкил этишга доир чора-тадбирлар тўғрисида"ги ПФ-71-сон Фармони (21.04.2025-yil) ҳамда "Давлат органлари ва ташкилотларининг коррупцияга қарши ички назорат бўлинмалари мустақиллигини таъминлаш ҳамда фаолият самарадорлигини ошириш чора-тадбирлари тўғрисида"ги ПҚ-147-сон Қарори (21.04.2025-yil) нинг мазмун-моҳияти батафсил тушунтирилди. Бундан ташқари, Кадастр агентлиги директорининг 392-19-сон буйруғи (10.12.2025-yil) ва 73-19-сон буйруғи (18.03.2026-yil) ҳам ходимларга тўлиқ етказилди. Ушбу ҳужжатлар нафақат тажрибали ходимлар, балки янги ишга қабул қилинганлар томонидан ҳам чуқур ўрганилди.

73-19-сон буйруқ ижросини таъминлаш мақсадида бошқармаларда масъул ходимлар иштирокида махсус ишчи гуруҳ ташкил этилди. Гуруҳнинг асосий вазифаси — коррупцияга қарши тадбирларни мувофиқлаштириш, ўтказилган мониторинг таҳлиллари асосида соҳа қонунчилигини такомиллаштириш бўйича таклифлар ишлаб чиқиш ҳамда хизмат фаолиятини автоматлаштиришга доир янги ечимлар тақдим этишдан иборат. Бу гуруҳ, моҳиятан, тизимда коррупция учун ҳар қандай бўшлиқни бартараф этишга қаратилган доимий механизм сифатида фаолият юритмоқда.

Ҳисобот даври якунида барча ходимлар "Манфаатлар тўқнашуви тўғрисида" декларация тўлдирди. Амалга оширилган текширув натижалари кўрсатдики, ушбу даврда манфаатлар тўқнашуви ҳолатлари аниқланмади. Ишга қабул қилиш жараёнида эса янги ходимлар билан коррупцияга қарши курашиш бўйича келишувлар имзоланди. Бу амалиёт ходимнинг давлат ва жамият олдидаги масъулиятини янада аниқ белгилаб бермоқда.

Олиб борилган барча ишлар Сирдарё вилоятида коррупциянинг олдини олиш бўйича "Йўл харитаси" доирасида амалга оширилди. Ушбу жараёнда вилоятнинг ҳуқуқ-тартибот идоралари ва тегишли ташкилотлар билан самарали ҳамкорлик йўлга қўйилганлиги алоҳида таъкидланади. Коррупцияга қарши кураш — бу биргина идоранинг эмас, бутун жамиятнинг умумий иши эканлиги бу ҳамкорликда яққол намоён бўлмоқда.

Азиз фуқаролар, бу мурожаат сиз учун!

Ҳаётда шундай вазиятлар бўлади — ҳужжат тезроқ чиқишини хоҳлайсиз, навбатда узоқ кутишни истамасангиз ёки ишингиз иложи борича тез ҳал бўлишини орзу қиласиз. Бу — инсоний туйғу, буни тушуниш мумкин.

Аммо шу лаҳзада ходимга пора таклиф қилиш — бу йўл туюлиши мумкин, лекин у аслида энг хавфли йўлдир.

Пора — бу бир лаҳзалик енгиллик, аммо узоқ муддатли зарар. Биласизми, пора таклиф қилган фуқаро ҳам қонун олдида жавобгар бўлади? Ўзбекистон Республикаси Жиноят кодексига кўра, пора бериш ҳам, пора олиш ҳам — жиноий жавобгарликни келтириб чиқаради. Яъни "мен фақат тезлаштирмоқчи эдим" деган узр қонун олдида асос бўлмайди.

Энг муҳими — бунга ҳожат йўқ! Кадастр хизматлари белгиланган муддатларда, ҳеч қандай қўшимча тўловсиз кўрсатилиши шарт. Бу сизнинг қонуний ҳуқуқингиз. Агар ходим ишингизни атайлаб кечиктирса, асоссиз рад этса ёки бирор нарса талаб қилса — бу унинг қонунни бузишидир, сизнинг эмас.

Шу сабабли фуқаролардан илтимос:

Ходимга пора таклиф қилманг — уни жиноятга ундаманг. Сизнинг таклифингиз уни жиноятга ундаши мумкин ва иккалангизни ҳам қонун олдида жавобгар қилиши мумкин. Агар хизмат кўрсатишда муаммо бўлса —қонуний йўлдан боринг: кадастр хизматларидан фойдаланиш жараёнида сизга тезлаштириб беришни ёки бошқа бир хизматларни қилиб беришини айтиб пора таклиф қилса Кадастр агентлигининг 1097 рақамли ишонч телефони орқали ёки ҳуқуқни муҳофаза қилиш органларига мурожаат қилишлари мумкин. Ҳар қандай муаммо қонуний йўл билан ҳал этилиши кафолатланади.

Сирдарё вилояти божхона бошқармаси томонидан “Очиқлик ва шаффофликни таъминлаш — коррупциянинг олдини олиш омили” мавзусида матбуот анжумани ташкил этилди. Унда оммавий ахборот воситалари вакиллари, блогерлар ҳамда жамоатчилик фаоллари иштирок этди.

Анжуман давомида божхона органларида коррупциянинг олдини олиш, хизмат фаолиятида очиқликни таъминлаш, жамоатчилик назоратини кучайтириш ҳамда мурожаатлар билан ишлаш самарадорлигини ошириш борасида амалга оширилаётган ишлар ҳақида атрофлича маълумот берилди.

Рақамлаштириш — шаффофлик гарови

Қайд этилганидек, сўнгги йилларда божхона тизимида рақамлаштириш жараёнлари жадаллаштирилиб, ташқи савдо юкларини расмийлаштириш тўлиқ электрон шаклга ўтказилди. Бу эса инсон омилини сезиларли даражада камайтириш, хизмат кўрсатиш тезкорлигини ошириш ва коррупция хавфларини қисқартиришга хизмат қилмоқда.

Шу билан бирга, рақамли хизматларни кенг жорий этиш орқали тадбиркорлар ва фуқаролар учун янада қулай ва шаффоф муҳит яратилмоқда.

Профилактика ва жамоатчилик билан мулоқот

Бошқарма томонидан шахсий таркиб ўртасида коррупцияга қарши профилактик ишларга алоҳида эътибор қаратилмоқда. Жумладан:

• 2 маротаба умумий профилактик суҳбатлар,
• 15 маротаба якка тартибда тушунтириш ишлари амалга оширилди.

Шунингдек, оммавий ахборот воситалари орқали 20 та чиқиш ташкил этилиб, аҳоли ва тадбиркорларга божхона соҳасидаги янгиликлар ва имкониятлар ҳақида зарур маълумотлар етказилди.

Бу каби ишлар жамоатчилик назоратини кучайтириш, фуқароларнинг ҳуқуқий онгини ошириш ҳамда тизимга бўлган ишончни мустаҳкамлашга хизмат қилмоқда.

Очиқ мулоқот ва савол-жавоблар

Матбуот анжуманида иштирокчилар томонидан берилган саволларга масъуллар томонидан атрофлича ва очиқ жавоблар қайтарилди. Шунингдек, келгусида очиқлик сиёсати ва жамоатчилик билан ҳамкорликни янада ривожлантириш масалалари муҳокама қилинди.

Анжуман якунида очиқлик ва шаффофликни таъминлаш, рақамли хизматларни янада кенгайтириш ҳамда инсон омилини камайтириш коррупцияга қарши курашишда энг муҳим омиллардан бири экани алоҳида таъкидланди.

Таҳририят фикри

Мазкур матбуот анжумани божхона тизимида амалга оширилаётган ислоҳотлар, айниқса рақамлаштириш ва очиқликни таъминлаш борасидаги ишлар изчил ва самарали йўлга қўйилганини кўрсатди.

Айниқса, хизматларнинг тўлиқ электрон шаклга ўтказилиши, профилактик ишлар ва жамоатчилик билан мулоқотнинг кучайтирилиши тизимда шаффофликни таъминлашга хизмат қилаётган муҳим омиллардан бири ҳисобланади.

Бундай ёндашувлар нафақат коррупция хавфини камайтиради, балки тадбиркорлар ва аҳоли учун қулай, ишончли ва замонавий хизматлар муҳитини яратишга замин бўлади.

ОАВ МУХБИРИ
ГАНИЕВ АМИРБЕК

Янгиер шахар хокимлиги ташаббуси билан “Амалга оширилаётган ислоҳотлар ва янгиликлар: ободонлаштириш соҳасида жорий этилаётган янги ёндашувлар ва тизимли ўзгаришлар ҳамда очиқлик ва шаффофликни таъминлаш — коррупциянинг олдини олиш омили” мавзусида матбуот анжумани ташкил этилди.

Тадбирда шаҳар мутасадди ташкилотлари вакиллари, оммавий ахборот воситалари ходимлари, блогерлар ҳамда жамоатчилик фаоллари иштирок этди. Анжуман давомида Янгиер шаҳрида амалга оширилаётган ободонлаштириш ишлари, инфратузилмани ривожлантириш ҳамда аҳоли учун қулай ва хавфсиз муҳит яратиш борасидаги ишлар ҳақида атрофлича маълумот берилди.

🌿 Ободонлаштириш соҳасида янги ёндашувлар

Қайд этилганидек, шаҳарда ҳудудларни янада обод ва кўркам қилиш, яшил ҳудудларни кенгайтириш ҳамда шаҳар инфратузилмасини такомиллаштиришга алоҳида эътибор қаратилмоқда. Шу мақсадда кўча ва хиёбонларни мунтазам тозалаш, дарахт ва манзарали кўчатлар экиш, яшил майдонларни парваришлаш ва суғориш тизимини яхшилаш бўйича тизимли ишлар амалга оширилмоқда.

Шунингдек, аҳоли учун қулай шарт-шароитлар яратиш мақсадида болалар майдончалари, дам олиш масканлари, сайилгоҳлар ҳамда жамоат жойларини ободонлаштириш ишлари изчил давом эттирилмоқда. Кўчаларга замонавий ёритиш мосламаларини ўрнатиш, ички йўлларни тартибга келтириш, ариқ ва лотокларни тозалаш, чиқиндиларни ўз вақтида олиб чиқиш тизимини такомиллаштириш ҳам устувор вазифалардан бири сифатида белгиланган.

Бундан ташқари, ободонлаштириш ишларининг самарадорлигини ошириш мақсадида техник база мустаҳкамланиб, махсус техника ва жиҳозлар босқичма-босқич янгиланмоқда. Ходимлар малакасини ошириш мақсадида ўқув-амалий семинарлар ҳам ташкил этилмоқда.

🛣 Йўл инфратузилмаси ва шаффофлик тамойиллари

Матбуот анжуманида шаҳарда йўл инфратузилмасини ривожлантириш борасида амалга оширилаётган ишларга ҳам алоҳида тўхталиб ўтилди. Йўл қурилиши ва таъмирлаш ишлари тегишли режалар асосида амалга оширилиб, бу борада жамоатчиликка мунтазам равишда ахборот бериб борилаётгани таъкидланди.

Йўл соҳасида очиқлик ва шаффофликни таъминлаш, фуқаролар мурожаатларини ўз вақтида кўриб чиқиш ҳамда давлат маблағларидан мақсадли фойдаланишни назорат қилиш муҳим вазифалардан бири сифатида белгиланган. Бу эса соҳада адолат ва қонунийлик тамойилларини мустаҳкамлашга хизмат қилмоқда.

Шунингдек, коррупциянинг олдини олиш мақсадида хизмат фаолиятида қонунийликка қатъий риоя этиш, жамоатчилик назоратини кучайтириш ҳамда ходимлар ўртасида ҳуқуқий маданиятни ошириш бўйича тушунтириш ишлари олиб борилаётгани маълум қилинди.

Анжуман якунида журналист ва блогерлар томонидан берилган саволларга масъуллар томонидан атрофлича жавоблар берилди.

✍️ Таҳририят фикри

Мазкур матбуот анжумани Янгиер шаҳрида амалга оширилаётган ободонлаштириш ишлари, инфратузилмани модернизация қилиш ва шаҳарни янада замонавий қиёфага келтириш борасида олиб борилаётган тизимли ишлар ҳақида кенг жамоатчиликка муҳим маълумотлар беришга хизмат қилди.

Айниқса, давлат бошқарувида очиқлик ва шаффофлик тамойилларига алоҳида эътибор қаратилиши, жамоатчилик билан мулоқотнинг кучайтирилиши ҳамда аҳоли мурожаатларига тезкор муносабат билдирилиши шаҳар ривожи учун муҳим омил ҳисобланади.

Бундай очиқ мулоқотлар давлат идоралари ва жамоатчилик ўртасидаги ишончни мустаҳкамлаб, Янгиер шаҳрининг янада обод, тоза ва замонавий шаҳарга айланишига хизмат қилиши шубҳасиз.

ОАВ МУХБИРИ
ГАНИЕВ АМИРБЕК

11 март куни Янгиер шаҳрида оила ва хотин-қизлар тизимида “Очиқлик ва шаффофликни таъминлаш, коррупцияни олдини олиш” масалаларига бағишланган матбуот анжумани бўлиб ўтди. Тадбир Янгиер шахар хокимлиги томонидан ташкил этилди.

Матбуот анжуманида шаҳар ҳокимининг ўринбосари, Оила ва хотин-қизлар бўлими бошлиғи Барно Бекназарова ҳамда оммавий ахборот воситалари вакиллари, журналистлар ва блогерлар иштирок этди.

Тадбир давомида аҳолини ижтимоий қўллаб-қувватлаш, айниқса, уй-жой билан боғлиқ масалаларда фуқароларга кўмак бериш бўйича амалга оширилаётган ишлар ҳақида батафсил маълумот берилди. Хусусан, уй-жой учун субсидиялар ажратиш тартиби, мазкур жараённинг қонунчилик талаблари асосида амалга оширилиши ва унинг шаффофлигини таъминлаш масалаларига алоҳида тўхталиб ўтилди.

Қайд этилганидек, субсидия ажратиш жараёни замонавий электрон тизимлар орқали, инсон омили аралашувисиз амалга оширилмоқда. Бу эса фуқаролар учун тенг имкониятлар яратиш, адолатлиликни таъминлаш ҳамда коррупциявий ҳолатларнинг олдини олишда муҳим аҳамият касб этмоқда.

Шунингдек, анжуман давомида оила ва хотин-қизлар тизимида амалга оширилаётган ислоҳотлар, аҳоли мурожаатлари билан ишлаш механизмлари, ижтимоий ҳимоя ва қўллаб-қувватлашга қаратилган чора-тадбирлар ҳақида ҳам атрофлича маълумот берилди.

Тадбир якунида журналист ва блогерлар томонидан берилган саволларга масъуллар томонидан батафсил ва очиқ жавоблар қайтарилди. Бу эса давлат идоралари ва оммавий ахборот воситалари ўртасидаги очиқ мулоқотни янада мустаҳкамлашга хизмат қилди.

✍️ Таҳририят фикри

Мазкур матбуот анжумани давлат бошқаруви тизимида очиқлик ва шаффофлик тамойилларини таъминлаш, жамоатчилик билан мулоқотни кучайтириш ҳамда аҳолининг ижтимоий ҳимоясини янада мустаҳкамлашга қаратилган муҳим ташаббуслардан бири бўлди.

Айниқса, уй-жой субсидияларини электрон тизим орқали тақсимлаш амалиёти фуқаролар учун адолатли ва шаффоф муҳит яратишда муҳим қадам бўлиб хизмат қилмоқда. Бундай очиқ мулоқотлар жамоатчилик ишончини ошириш ва давлат органлари фаолиятининг самарадорлигини янада юксалтиришга хизмат қилиши шубҳасиз.

ОАВ МУХБИРИ
ГАНИЕВ АМИРБЕК

Янгиер шаҳар ҳокимлигида 2025 йил якунлари ва 2026 йил устувор вазифаларига бағишланган матбуот анжумани ўтказилди

Янгиер шаҳар ҳокимлигида “Шаҳарнинг 2025 йил якунлари ва асосий натижалари, хорижий инвестицияларни ўзлаштириш, экспорт прогнозларини бажариш ҳамда аҳоли бандлигини таъминлаш ва камбағалликни қисқартириш борасида эришилган натижалар” мавзусида матбуот анжумани бўлиб ўтди.

Анжуманда шаҳар раҳбарияти томонидан оммавий ахборот воситалари ва жамоатчилик вакилларига Янгиер шаҳрининг ижтимоий-иқтисодий ривожи, саноат ва инвестиция лойиҳалари, экспорт салоҳияти ҳамда аҳоли турмуш фаровонлигини ошириш йўлида амалга оширилган ишлар юзасидан атрофлича маълумот берилди.

📊 САНОАТ — ШАҲАР ИҚТИСОДИЁТИНИНГ АСОСИЙ ТАЙАНЧИ

Сўнгги йилларда Янгиер шаҳри жадал ривожланиб, ҳақиқий саноат марказига айланмоқда. Шаҳарда янги ишлаб чиқариш корхоналари барпо этилиб, мавжуд корхоналар қувватлари кенгайтирилмоқда.

Хусусан, 2024 йилда 1,2 трлн сўмлик маҳсулот ишлаб чиқарилган бўлса, 2025 йил якунларига кўра ушбу кўрсаткич 1,8 трлн сўмга етди. Натижада ишлаб чиқариш ҳажми 120 фоизга ўсиб, шаҳар иқтисодий барқарорлигининг мустаҳкам асослари шаклланди.

🌍 ХОРИЖИЙ ИНВЕСТИЦИЯЛАР: ИШОНЧ ВА САМАРАДОРЛИК

2025 йилда хорижий инвестиция ва кредитларни ўзлаштириш борасида ҳам юқори натижалар қайд этилди. Дастлаб 15 та лойиҳа доирасида 219 млн доллар инвестиция жалб этиш режалаштирилган бўлса, йил якунида 25 та лойиҳа асосида 220 млн долларлик хорижий инвестиция ва кредитлар ўзлаштирилди. Бу ўтган йилга нисбатан 2,9 баробар ўсишни ташкил этди.

Жумладан:

• “Jingu Sanoat Parki” МЧЖ ХК томонидан 50 млн долларлик текстиль лойиҳаси,

• “HONGXING DEVELOPMENT” МЧЖ томонидан томчилатиб суғориш қувурлари ва плёнкалар ишлаб чиқариш,

• Хитой технопарки доирасида полиэтилен қувурлар, алюминий маҳсулотлари ва кабел ишлаб чиқариш лойиҳалари амалга оширилмоқда.

Ушбу ташаббуслар маҳаллий хом ашёни чуқур қайта ишлаш, импорт ўрнини босувчи ва экспортбоп маҳсулотлар ишлаб чиқаришга хизмат қилмоқда.

🚢 ЭКСПОРТ — ЯНГИ ИМКОНИЯТЛАР САРИ

2025 йилда Янгиер шаҳрида жами 71,2 млн долларлик экспорт амалга оширилди. Бу ўтган йилга нисбатан 103 фоизни ташкил этиб, шаҳар экспорт салоҳияти изчил ошиб бораётганини кўрсатди.

Экспорт таркибида озиқ-овқат маҳсулотлари, тўқимачилик, мева-сабзавот ва қурилиш материаллари етакчи ўринни эгаллади. Экспортёр корхоналар сони 14 тадан 17 тага етказилиб, маҳаллий ишлаб чиқарувчиларни ташқи бозорларга олиб чиқиш бўйича тизимли ишлар давом эттирилмоқда.

👥 АҲОЛИ БАНДЛИГИ ВА КАМБАҒАЛЛИКНИ ҚИСҚАРТИРИШ

2025 йилда аҳоли бандлигини таъминлаш ва камбағалликни қисқартириш йўналишида ҳам сезиларли натижаларга эришилди. Жами 7657 нафар фуқаро иш билан таъминланиб, белгиланган режа 101 фоизга бажарилди.

Натижада:

• ишсизлик даражаси 5,7 фоиздан 4,1 фоизга,

• камбағаллик даражаси эса 9 фоиздан 2,1 фоизга туширилди.

“Сайхунобод” тажрибаси, микролойиҳалар, кредитлар ва касб-ҳунарга ўқитиш дастурлари аҳолининг барқарор даромад манбаига эга бўлишига хизмат қилмоқда.

🔮 2026 ЙИЛ — МАНЗИЛЛИ РИВОЖ ВА РАҚАМЛАШТИРИШ

Анжуманда 2026 йил учун аниқ мақсадлар белгилаб олинди. Жумладан, 1371 нафар аҳолини доимий иш билан таъминлаш, 226 та камбағал оилани тўлиқ қўллаб-қувватлаш ҳамда камбағаллик даражасини 0 фоизга тушириш режалаштирилган.

Бу борада “Осон иш” рақамли платформаси орқали иш изловчилар ва иш берувчилар ўртасида очиқ ва шаффоф ҳамкорлик йўлга қўйилмоқда.

Анжуман якунида бандлик тизимида очиқлик ва шаффофликни таъминлаш, коррупциянинг олдини олиш мақсадида амалга оширилаётган ишлар ҳам алоҳида таъкидланди. Хусусан, хизмат биноларида замонавий кузатув камералари ўрнатилиб, хизматлар сифатини оширишга эришилмоқда.

✍️ SirdaryoLive таҳририятидан фикр

Янгиер шаҳар ҳокимлиги томонидан ўтказилган мазкур матбуот анжумани шаҳар ривожининг очиқ, аниқ рақамлар ва манзилли режалар асосида олиб борилаётганини кўрсатди. Саноат, инвестиция, экспорт ва ижтимоий соҳадаги натижалар Янгиер шаҳрининг барқарор тараққиёт йўлида ишонч билан илгарилаётганини тасдиқлайди.

SirdaryoLive ОАВ жамоаси шаҳар ҳаётидаги муҳим ислоҳотлар ва янгиликларни доимий равишда ёритиб боради.

ОАВ МУХБИРИ

ГАНИЕВ АМИРБЕК

Сирдарёда электр таъминоти соҳасида амалга оширилган ишлар ва келгуси режалар тақдим этилди

“Hududiy elektr tarmoqlari” АЖ Сирдарё ҳудудий филиалида
“2025-йилда амалга оширилган ишлар ва ислоҳотлар ҳамда келгуси режалар” мавзусида матбуот анжумани бўлиб ўтди.

Матбуот анжуманида оммавий ахборот воситалари вакилларига 2025 йил давомида электр таъминоти соҳасида амалга оширилган ишлар, жорий этилган ислоҳотлар, шунингдек, 2026 йилга мўлжалланган режалар ва устувор вазифалар ҳақида атрофлича маълумот берилди.

Маълум қилинишича, 2025 йил давомида Сирдарё вилоятида жами 370 километр электр узатиш тармоқлари тортилиб, қўшимча равишда 104 та трансформатор пунктлари ўрнатилди. Бу эса аҳолини барқарор электр энергияси билан таъминлашда муҳим қадам бўлди.

Куз-қиш мавсумини беталофат ўтказиш мақсадида 990,3 км электр тармоқлари ва 360 та трансформатор пунктида мукаммал таъмирлаш, шунингдек, 1 775 км электр тармоқлари ҳамда 744 та трансформатор пунктида жорий таъмирлаш ишлари амалга оширилди. Натижада вилоятдаги 70 та маҳаллада 8 мингдан ортиқ хонадоннинг электр таъминоти яхшиланди.

Шунингдек, подстанцияларда олиб борилган модернизация ишлари доирасида Гулистон шаҳридаги “Марказ” ва Янгиер шаҳридаги “Янгиер” подстанцияларига 2 та 40 000 kVA қувватли куч трансформаторлари ҳамда автоматлаштирилган бошқарув тизимлари ўрнатилди. Бу орқали 30 мингдан ортиқ хонадон ва 2 мингга яқин тадбиркорлик субъектлари барқарор электр энергияси билан таъминланди.

Яшил энергетика соҳасида ҳам салмоқли ишлар амалга оширилди. 2025 йил якунига кўра, вилоятда жами 60,3 МВт қувватга эга қуёш панеллари ўрнатилди. Шундан:

• 18,8 МВт — ижтимоий соҳа ва давлат ташкилотлари,

• 32,4 МВт — тадбиркорлик субъектлари,

• 9,1 МВт — аҳоли хонадонлари ҳиссасига тўғри келади.

Эътиборли жиҳатлардан яна бири — электр таъминоти яхшиланиши ва мурожаатлар билан ишлаш самарадорлиги ортиши натижасида фуқаролар мурожаатлари сони 2024 йилдаги 4 300 тадан 2025 йилда 2 275 тагача камайиб, қарийб 47 фоизга қисқарди.

МАТБУОТ АНЖУМАНИ ҲАҚИДА ФИКР

“Hududiy elektr tarmoqlari” АЖ Сирдарё ҳудудий филиали томонидан ўтказилган ушбу матбуот анжумани электр таъминоти соҳасида очиқлик, ҳисобдорлик ва натижадорлик тамойиллари изчил амалга оширилаётганини кўрсатди.

Келтирилган аниқ рақамлар, амалий натижалар ва истиқболли режалар аҳоли ҳамда тадбиркорлар учун яратилаётган қулайликлар кўлами кенгайиб бораётганидан далолат беради. Айниқса, барқарор электр таъминоти, яшил энергия манбаларини жорий этиш ва мурожаатлар билан ишлашдаги ижобий ўзгаришлар соҳага бўлган ишончни янада мустаҳкамлади.

Матбуот анжумани энергетика соҳасида олиб борилаётган ислоҳотлар Сирдарё вилояти иқтисодий ривожи ва аҳоли фаровонлигига хизмат қилаётганини яна бир бор тасдиқлади.

ОАВ МУХБИРИ

ГАНИЕВ АМИРБЕК

Сирдарёда санитария-эпидемиологик осойишталик масалалари муҳокама қилинди

Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик ва жамоат саломатлиги қўмитасининг Сирдарё вилояти бошқармаси томонидан
«Санитария-эпидемиологик осойишталикни таъминлаш соҳасида амалга оширилаётган тадбирлар ва истиқболли режалар» мавзусида матбуот анжумани бўлиб ўтди.

Матбуот анжуманида аҳоли саломатлигини муҳофаза қилиш, касалликларнинг олдини олиш, санитария қоидаларига риоя этиш ҳамда эпидемиологик барқарорликни таъминлаш борасида вилоятда амалга оширилаётган ишлар ҳақида атрофлича маълумот берилди.

Таъкидланганидек, Сирдарё вилоятида сўнгги йилларда санитария-эпидемиологик назоратни кучайтириш, профилактик тадбирларни тизимли ташкил этиш, аҳоли ўртасида санитария маданиятини оширишга алоҳида эътибор қаратилмоқда. Овқатланиш объектлари, таълим муассасалари, даволаш-профилактика муассасалари ҳамда аҳоли гавжум жойларда доимий мониторинг ишлари олиб борилмоқда.

Анжуманда шунингдек, ичимлик суви сифати, атроф-муҳит тозалиги, мавсумий касалликларнинг олдини олиш, эмлаш ишларини самарали ташкил этиш бўйича кўрилаётган чора-тадбирлар юзасидан ахборотлар тақдим этилди. Замонавий лаборатория ускуналари, рақамли назорат тизимлари ва тезкор таҳлил механизмлари соҳа самарадорлигини янада оширишга хизмат қилаётгани алоҳида қайд этилди.

Матбуот анжуманида келгуси давр учун белгиланган истиқболли режалар, жумладан, санитария-эпидемиологик хизматни янада ривожлантириш, жамоат саломатлигини муҳофаза қилишда инновацион ёндашувларни жорий этиш, аҳоли билан очиқ мулоқотни кучайтириш масалалари муҳокама қилинди.

ҚИСҚА ИЖОБИЙ ФИКР (ОТЗЫВ)

Сирдарё вилоятида ўтказилган ушбу матбуот анжумани санитария-эпидемиологик осойишталикни таъминлаш соҳасида олиб борилаётган ишларга нисбатан очиқлик, масъулият ва тизимли ёндашув мавжуд эканини кўрсатди.

Мутахассислар томонидан келтирилган аниқ маълумотлар, амалий натижалар ва келажак режалар жамоатчиликда соҳага бўлган ишончни янада мустаҳкамлади. Айниқса, профилактикага йўналтирилган ишлар, аҳоли саломатлигини биринчи ўринга қўйиш тамойили матбуот анжуманининг асосий устувор жиҳати сифатида баҳоланди.

Ушбу тадбир санитария-эпидемиологик хизмат нафақат назорат қилувчи, балки аҳоли саломатлигини ҳимоя қилишда ишончли ҳамкор эканини яна бир бор намоён этди.

ОАВ МУХБИРИ

ГАНИЕВ АМИРБЕК

Маҳалла — жамият таянчи: Сирдарёда 2025 йил якунлари ва 2026 йил устувор вазифалари эълон қилинди

Сирдарё вилоятида Ўзбекистон маҳаллалари уюшмасининг вилоят бошқармаси томонидан 2025 йил давомида амалга оширилган ишлар юзасидан матбуот анжумани ўтказилди. Тадбирда маҳалланинг жамият ҳаётидаги ўрни, аҳоли муаммоларини ҳал этишдаги таъсирчан механизми ҳамда 2026 йил учун белгиланган устувор вазифалар кенг жамоатчиликка тақдим этилди.

Анжуманда қайд этилганидек, маҳаллада жорий этилган “еттилик” тизими ижтимоий муаммоларни бартараф этишда муҳим натижалар бермоқда. Хусусан, ишсизлик ва камбағалликни қисқартириш, оилавий низолар ва жиноятчиликнинг олдини олиш борасида маҳалланинг масъулияти ва таъсири янада ошди.

Маълум қилинишича, вилоятдаги 221 та маҳаллада 937 мингдан ортиқ аҳоли истиқомат қилади ва 1 401 нафар “маҳалла еттилиги” аъзолари бир мақсад йўлида фаолият олиб бормоқда. 2025 йилда маҳаллалар фаолияти тўлиқ рақамлаштирилиб, амалиётга жорий этилган “Рақамли маҳалла” платформаси орқали аҳоли мурожаатларини тезкор, шаффоф ва манзилли ҳал этиш имконияти яратилди.

Йил давомида ишсиз фуқароларни бандликка жалб этиш, камбағал оилаларни қўллаб-қувватлаш, маҳаллаларни ободонлаштириш ва кўкаламзорлаштириш, инфратузилмани яхшилаш бўйича кенг кўламли ишлар амалга оширилди. “Яшил макон” умуммиллий лойиҳаси доирасида юз минглаб кўчатлар экилди, аҳоли иштирокида оммавий ҳашарлар ташкил этилди.

Матбуот анжуманида 2026 йилга мўлжалланган режалар ҳам эълон қилинди. Жумладан, оғир тоифадаги маҳаллаларни комплекс ривожлантириш, маҳалла биноларини реконструкция қилиш, ёшлар учун кутубхоналар ташкил этиш, соғлом турмуш тарзини оммалаштиришга қаратилган лойиҳаларни амалга ошириш режалаштирилган.

Анжуман маҳалла — халққа энг яқин, инсон манфаатларига хизмат қилувчи муҳим институт эканини яна бир бор намоён этди.

ҚИСҚА ИЖОБИЙ ФИКР (ОТЗЫВ)

Ўзбекистон маҳаллалари уюшмасининг Сирдарё вилояти бошқармаси томонидан ташкил этилган матбуот анжумани очиқлик, аниқлик ва натижадорлик тамойиллари асосида ўтди. Тақдим этилган рақамлар ва амалий натижалар маҳалла тизимида олиб борилаётган ислоҳотларнинг ҳаётий аҳамиятга эга эканини кўрсатди.

Айниқса, “Рақамли маҳалла” платформаси, ишсизлик ва камбағалликни қисқартириш бўйича эришилган кўрсаткичлар, ободонлаштириш ва яшиллаштириш ишлари анжуман иштирокчиларида катта қизиқиш уйғотди.

Матбуот анжумани жамоатчилик ва ОАВ учун очиқ мулоқот майдонига айланиб, маҳалла фаолиятига бўлган ишончни янада мустаҳкамлади. Бу тадбир маҳалла — жамиятни бирлаштирувчи, барқарор тараққиётга хизмат қилувчи асосий бўғин эканини яна бир бор тасдиқлади.

ОАВ МУХБИРИ

ГАНИЕВ АМИРБЕК