Сирдарё вилояти судларининг 2025 йилдаги фаолияти сарҳисоби ҳамда 2026 йилдаги режаларига бағишланган матбуот анжумани ўтказилди

 
Сирдарё вилояти судларининг 2025 йилдаги фаолияти сарҳисоби ҳамда 2026 йилга мўлжалланган устувор режаларига бағишланган матбуот анжумани бўлиб ўтди. Тадбирда оммавий ахборот воситалари вакиллари, журналистлар ҳамда блогерлар иштирок этиб, суд-ҳуқуқ тизимида амалга оширилаётган ислоҳотлар ва уларнинг амалий натижалари билан яқиндан танишдилар.

Матбуот анжуманида таъкидланганидек, бугунги кунда судлар фақатгина жиноятга жазо тайинловчи орган сифатида эмас, балки инсон ҳуқуқ ва эркинликларини ишончли ҳимоя қилувчи, адолатни қарор топтирадиган муҳим давлат институти сифатида фаолият юритмоқда. Суд фаолиятида очиқлик, шаффофлик ва қонунийлик тамойиллари устувор аҳамият касб этмоқда.

Анжуман давомида 2025 йилда Сирдарё вилояти судлари томонидан кўрилган ишлар, фуқаролар мурожаатларини ҳал этиш, суд қарорларининг қонуний ва адолатли чиқарилишини таъминлаш борасида амалга оширилган ишлар юзасидан батафсил маълумотлар тақдим этилди. Суд ишларида замонавий ахборот технологияларини жорий этиш, электрон суд хизматларини кенгайтириш орқали аҳоли учун қулайликлар яратилгани қайд этилди.

Шунингдек, судлар томонидан инсон ҳуқуқларини ҳимоя қилиш, низоларни қонуний ва адолатли ҳал этиш, аҳолининг судларга бўлган ишончини ошириш йўналишида олиб борилаётган тизимли ишларга алоҳида эътибор қаратилди. Судлар фаолиятида профилактика ва ҳуқуқий тарғибот ишлари ҳам муҳим ўрин тутаётгани таъкидланди.

Матбуот анжуманида 2026 йилга мўлжалланган режалар хусусида ҳам маълумот берилди. Жумладан, суд ишларини янада рақамлаштириш, очиқ суд мажлисларини кенгайтириш, фуқаролар ва тадбиркорлар ҳуқуқларини ишончли ҳимоя қилиш, судьялар ва ходимлар малакасини ошириш устувор вазифалар сифатида белгиланди.

Анжуман якунида журналист ва блогерлар томонидан берилган саволларга суд тизими мутасаддилари томонидан атрофлича ва асосли жавоблар берилди. Очиқ мулоқот шаклида ўтган тадбир судлар ва жамоатчилик ўртасидаги ҳамкорликни янада мустаҳкамлашга хизмат қилди.

✍️ ҚИСҚА ИЖОБИЙ ФИКР (ОТЗЫВ)

Сирдарё вилояти судлари томонидан ташкил этилган матбуот анжумани очиқлик ва шаффофлик тамойиллари асосида, юқори савияда ўтказилди. Тадбир давомида суд тизимида 2025 йилда амалга оширилган ишлар ва 2026 йилга мўлжалланган режалар ҳақида аниқ ва ишончли маълумотлар берилди. Журналистлар билан ўтказилган очиқ мулоқот судларнинг жамиятдаги ўрни ва аҳамиятини янада очиб берди ҳамда суд-ҳуқуқ тизимига бўлган ишончни мустаҳкамлади.

ОАВ МУХБИРИ 
ГАНИЕВ АМИРБЕК