Hech bir shaxs hujjatsiz qolmaydi

Rayhona Muhidinova yaqinda 7 yoshga to‘ladi. U Mirzaobod tumanidagi “Bahoriston” mahallasida istiqomat qiladi. Rayhona 2017-yilda uy sharoitida dunyoga kelgan. Ayrim sabablarga ko‘ra, shu kunga qadar Rayxona Muhiddinovaning tug‘ilganligi hech qayerda qayd etilmay qolgan.
 
“Hech bir shaxs hujjatsiz qolmaydi” huquqiy aksiyasi doirasida tuman adliya bo‘limi mas’ullari tomonidan o‘tkazilgan xatlov jarayonida ushbu muammo aniqlandi va uning huquqiy yechimiga kirishildi.

Mirzaobod tumani FHDY bo’limi tomonidan 2024-yil 19-fevral kuni  Bahoriston mahallasida yashovchi, 2017-yil 1-yanvarda tug’ilgan fuqaro Muhidinova Rayhona Kamoliddin qizining muddati o‘tgan tug‘ilishi qayd etilib tug‘ilganlik haqidagi guvohnoma berildi.