Аёллари-эъзозланган юрт
Ўзбекистон Республикаси Оила ва хотин-қизлар қўмитаси, “Ўзкимёсаноат” AЖ, Сирдарё вилояти хокимлиги билан биргаликда "Аёллари-эъзозланган юрт" номли гала концерт бўлиб ўтди. Сирдарёнинг аёлларига қўмита раиси О.Парпибоева ўз дил истакларини билдирдилар. Гўзаллик ва нафосат, меҳру муҳаббат, вафо ва назокат рамзи бўлган, ўзининг меҳрибонлиги, қалб саҳовати билан ҳар қайси оилани оила қиладиган, унга файзу тароват берадиган, фарзандларимиз юрагига, ўз Она юртига севги ва садоқат туйғусини сингдирадиган оналаримизнинг, аёлларимизнинг бетакрор фазилатлари ҳақида ҳар қанча гапирсак, уларни ҳар қанча эъзозласак камлик қилади.
Зеро, Ватанга, оилага, ҳаётга ва келажакка эҳтиром—аёлга, мўътабар зотларга эҳтиромдан бошланади. Аёлини асраган эл қудратли, онасини эъзозлаган фарзанднинг эса толеи баланд бўлади.
Ўзбекистон халқ артисти Г.Эрқулова ва бир қанча хонандалар ўзларининг куй қўшиқлари билан аёлларга хурсандчилик бахш этдилар.
